» செய்திகள் - விளையாட்டு » இந்தியா

ஆறாம் வகுப்பு முதல் இந்தி மொழி கட்டாயம்: கஸ்தூரி ரங்கன் குழு பரிந்துரை!!

சனி 1, ஜூன் 2019 3:26:51 PM (IST)

ஆறாம்  வகுப்பு முதல் தாய்மொழி, ஆங்கிலம் ஆகியவற்றோடு இந்தி மொழியை கற்பிக்க வேண்டும் என கஸ்தூரி ரங்கன் குழு பரிந்துரைத்துள்ளது.

மத்திய அரசின் புதிய தேசிய கல்வி கொள்கைக்கான வரைவு நேற்று வெளியிடப்பட்டது. இதில் இந்தி பேசாத மாநிலங்களில், இந்தியை பயிற்றுவிக்க வேண்டும் என்று பரிந்துரைக்கப்பட்டுள்ளது. தற்போது நடைமுறையில் உள்ள தேசிய கல்வி கொள்கையானது 1986-ம் ஆண்டில் கொண்டுவரப்பட்டு, 1992-ம் ஆண்டு திருத்தப்பட்டது. 2014-ம் ஆண்டு மக்களவைத் தேர்தலின் போது புதிய கல்விக் கொள்கை கொண்டு வரப்படும் என்று பா.ஜனதா வாக்குறுதி கொடுத்திருந்தது. அதன்படி கஸ்தூரி ரங்கன் தலைமையிலான 9 பேர் கொண்ட நிபுணர்கள் குழு, அமைக்கப்பட்டது. 

அந்த குழு, தேசிய கல்வி கொள்கைக்கான வரைவை, புதிதாக பொறுப்பேற்றுக் கொண்ட மத்திய மனித வளம் மேம்பாட்டுத் துறை அமைச்சர் ரமேஷ் போகிரியால் நிஷாங்கிடம் நேற்று ஒப்படைத்தது. அந்த வரைவில், தேசிய கல்வி ஆணையத்தை உருவாக்குவது, தனியார் பள்ளிகளின் கட்டண உயர்வை தடுப்பது ஆகியவற்றுடன் இந்தி மொழி பேசாத மாநிலங்களில், இந்தியை பயிற்றுவிக்க வேண்டும் என்று பரிந்துரைக்கப்பட்டுள்ளது. 484 பக்கம் கொண்ட அந்த புதிய வரைவில், மும்மொழி கொள்கை என்பது கட்டாயம் என பரிந்துரைக்கப்பட்டுள்ளது.

அதன்படி, மாநிலங்களை, இந்தி மொழி பேசும் மாநிலங்கள், பேசாத மாநிலங்கள் என இருவகையாகப் பிரித்துள்ளனர். இந்தி பேசாத மாநிலங்களில், அந்த மாநில தாய்மொழி, ஆங்கிலம் ஆகியவற்றோடு இந்தி மொழியை கற்பிக்க வேண்டும் என்று பரிந்துரைக்கப்பட்டுள்ளது. இந்த நடைமுறையை ஆறாம் வகுப்பில் இருந்து தொடங்க வேண்டும் என்றும் கூறப்பட்டுள்ளது. இந்த பரிந்துரையால் இந்தி மொழியை திணிக்க முயற்சி நடப்பதாக புகார்கள் எழத் தொடங்கியுள்ளன.

இந்த கல்வி கொள்கைக்கான வரைவு குறித்து பொது மக்கள், ஜூன் 30-ந் தேதி வரை தங்கள் கருத்துக்களை nep.edu@nic.in என்ற இமெயில் முகவரியில் தெரிவிக்கலாம் என அறிவிக்கப்பட்டுள்ளது. ஏற்கனவே கஸ்தூரி ரங்கன் குழுவின் சர்ச்சை பரிந்துரைகள் குறித்து கருத்து தெரிவித்த மத்திய அரசு, எந்த மொழியையும் கட்டாயமாக்க வேண்டும் என்று அக்குழு பரிந்துரைக்கவில்லை என்று மறுப்பு தெரிவித்து இருந்தது.

தற்போதைய மத்திய மனிதவள மேம்பாட்டுத்துறை அமைச்சராக பதவியேற்றுள்ள ரமேஷ் பொக்ரியாலுக்கு அக்னி பரீட்சையாக இந்த கஸ்தூரி ரங்கன் குழு பரிந்துரைகள் இருக்கப் போகிறது. மத்திய மந்திரி ரமேஷ் பொக்ரியால் சரஸ்வதி சிசு மந்திர் பள்ளியில் ஆசிரியராக வாழ்க்கையைத் தொடங்கி உத்தரகாண்ட் முதல்வராக பதவி வகித்தவர். தற்போது மத்திய கல்வி அமைச்சராக பதவி ஏற்ற உடனேயே புதிய கல்வி கொள்கை பரிந்துரைகளை இணையத்தில் வெளியிட்டிருக்கிறார் என்பது குறிப்பிடத்தக்கது. யோகா, நீர்மேலாண்மை, அரசியல் ஆகியவை குறித்தும் மாணவர்கள் கட்டாயம் படிக்க வேண்டும் என்கிறது கஸ்தூரி ரங்கன் குழு. இக்குழுவின் பரிந்துரைகள் கடும் எதிர்ப்பை கிளப்பியுள்ளன. இருப்பினும் வரும் கல்வியாண்டிலேயே இந்த புதிய கல்விக் கொள்கையை நடைமுறைப்படுத்த மத்திய அரசு தீர்மானித்துள்ளது.


மக்கள் கருத்து

ஒருவன்Jun 2, 2019 - 07:54:57 PM | Posted IP 108.1*****

குந்தி படித்தால் இந்தியாவுக்குள்ளே சுற்றி பார்க்க மட்டும் தான் முடியும் . ஆங்கிலம் படித்தால் உலகமெங்கும் சுற்றிப்பார்க்கலாம் .. நாம எதுக்கு கத்துக்கணும் ? ஓரமா போய்.. கத்துங்கடா..... குந்தி தெரிந்த வடை நாட்டுக்காரன் பாணி பூரி விற்க புழைப்பு நடத்த தமிழ்நாட்டில் ஏன் வந்தான் ????

சாமிJun 2, 2019 - 09:26:35 AM | Posted IP 162.1*****

குழு தனது அறிக்கையை கொடுத்து உள்ளது - தற்போது இருக்கும் கல்விக்கொள்கையில் மாற்றம் இல்லை - அரசு தனது நிலையை தெரிவித்து விட்டது - அப்புறம் என்ன கூச்சல்

தினகரன்Jun 1, 2019 - 07:15:35 PM | Posted IP 141.0*****

இந்தி இந்தி மொழி தேவை இல்லாதது.ஆங்கிலமே முக்கியமானது.இந்திமொழி இல்லாமல் தமிழகம் முன்னேற வில்லையா?உலகின் மூத்த மொழியான தமிழை இந்தியா முழுவதும் கற்பது அவசியம்.

நிஹாJun 1, 2019 - 06:26:41 PM | Posted IP 173.2*****

யார் இந்த கஸ்தூரி ரங்கன்?

நிஹாJun 1, 2019 - 06:26:10 PM | Posted IP 173.2*****

10 -20 ஆண்டுகளுக்கு பின் என்ன நடக்கும் என்று நான் சொல்கிறேன். இதுவரை ஹிந்தி பேசாத மாநிலங்களில் ஹிந்தியை கற்பித்து விட்டோம், இனிமேல் ஹிந்தி மட்டும் தான் தேசிய மற்றும் அலுவல் மொழி என அறிவிப்பு வரும். அதற்கான முதல் படிதான் இது.

தமிழன்Jun 1, 2019 - 03:43:23 PM | Posted IP 108.1*****

வரவேற்கப்படவேண்டியது......தனியார் பள்ளிகளில் படிக்கும் மாணவர்களுக்கே தமிழகத்தில் ஹிந்தி படிக்கும் வாய்ப்பு உள்ளது......புதிய கல்விக்கொள்கை மூலம் அரசு பள்ளி மாணவர்களுக்கும் ஹிந்தி படிக்கும் வாய்ப்பு கிடைக்கும்......அரசியல்வாதிகளே உங்கள் அரசியல் லாபத்துக்காக ஏழை குழந்தைகளின் படிப்பில் விளையாடி ஹிந்தி படிக்கவிடாமல் செய்துவிடாதீர்கள்.......

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Sterlite Industries (I) Ltd




Tirunelveli Business Directory