» செய்திகள் - விளையாட்டு » இந்தியா

காங்கிரஸ் மூத்த தலைவா் அகமது படேல் காலமானார்: ஜனாதிபதி, பிரதமர் உள்ளிட்ட தலைவர்கள் இரங்கல்!

புதன் 25, நவம்பர் 2020 12:53:15 PM (IST)

கரோனா தொற்றால் பாதிக்கப்பட்டு மருத்துவமனையில் அனுமதிக்கப்பட்டிருந்த காங்கிரஸ் மூத்த தலைவா் அகமது படேல் இன்று காலமானார். 

குஜராத் மாநிலத்தைச் சோ்ந்த காங்கிரஸ் எம்.பி. அகமது படேல் (71). முன்னதாக, இவர் தனக்கு கரோனா தொற்று உள்ளதாக, கடந்த அக்டோபா் 1-ஆம் தேதி சுட்டுரையில் அறிவித்தாா்.  அதைத் தொடா்ந்து அவா் குா்கானில் உள்ள தனியாா் மருத்துவமனையில் அனுமதிக்கப்பட்டாா். அங்கு அவருக்கு தொடா்ந்து சிகிச்சை அளிக்கப்பட்டு வந்த நிலையில், அவரது உடல்நிலை பின்னடைவைச் சந்தித்தது. 

இதனால், அவா் அவசர சிகிச்சைப் பிரிவுக்கு மாற்றப்பட்டார். எனினும், சிகிச்சை பலனின்றி இன்று அதிகாலை 3.30 மணியளவில் அவர் காலமானார். மறைந்த அகமது படேல், காங்கிரஸ் தலைவா் சோனியா காந்தியின் அரசியல் ஆலோசகராகவும் பணியாற்றி வந்தார் என்பது குறிப்பிடத்தக்கது. அவரது மறைவுக்கு பல்வேறு அரசியல் கட்சித் தலைவர்கள் இரங்கல் தெரிவித்துள்ளனர்.  

குடியரசுத் தலைவர் இரங்கல்:

குடியரசுத் தலைவர் ராம்நாத் கோவிந்த் தனது டுவிட்டர் பக்கத்தில் வெளியிட்டுள்ள இரங்கல் செய்தியில், மூத்த காங்கிரஸ் தலைவர் அகமது படேல் இல்லை என்பதை அறிந்து மன உளைச்சலுக்கு ஆளானேன். ஒரு புத்திசாலித்தனமான  நாடாளுமன்ற உறுப்பினர், ஸ்ரீ படேல் ஒரு மூலோபாயவாதியின் திறன்களையும் ஒரு வெகுஜனத் தலைவரின் கவர்ச்சியையும் இணைத்தார். அவரது நட்பு அவரை கட்சி வழிகளில் நண்பர்களை வென்றது. அவரது குடும்பத்தினருக்கும்  நண்பர்களுக்கும் எனது இரங்கல் என்று குறிப்பிட்டுள்ளார்.

துணை குடியரசுத் தலைவர் இரங்கல்:

துணை குடியரசுத் தலைவர் வெங்கையா நாயுடு தனது டுவிட்டர் பக்கத்தில் வெளியிட்டுள்ள இரங்கல் செய்தியில்,

மாநிலங்களவை எம்.பி., ஸ்ரீ அகமது படேல் காலமானதை அறிந்து மிகுந்த வருத்தம் அடைந்தேன். அவர் திறமையான  நாடாளுமன்ற உறுப்பினராக இருந்தார், அரசியல் ஸ்பெக்ட்ரம் முழுவதும் தலைவர்களுடன் எப்போதும் நல்லுறவைப் பேணி வந்தார். துக்கமடைந்த குடும்ப உறுப்பினர்களுக்கு எனது இரங்கல். அவரது ஆத்மா நிம்மதியாக ஓய்வெடுக்கட்டும் என்று டுவிட்டரில் பதிவிட்டுள்ளார்.

பிரதமர் மோடி இரங்கல்:

பிரதமர் மோடி தனது டுவிட்டர் பக்கத்தில் வெளியிட்டுள்ள இரங்கல் செய்தியில், அகமது படேல் ஜி மறைந்ததில் வருத்தம் அடைகிறேன். அவர் பொது வாழ்க்கையில் பல ஆண்டுகள் கழித்தார், சமூகத்திற்கு சேவை செய்தார். அவரது  கூர்மையான மனதுக்கு பெயர் பெற்றவர், காங்கிரஸ் கட்சியை வலுப்படுத்துவதில் அவர் வகித்த பங்கு எப்போதும் நினைவில் இருக்கும். அகமது பாயின் ஆத்மா நிம்மதியாக இருக்கட்டும் என்று பிரதமர் டுவிட்டரில் பதிவிட்டுள்ளார்.

சோனியா காந்தி:

அகமது பட்டேல் மறைவுக்கு காங்கிரஸ் தலைவர் சோனியா காந்தி இரங்கல் செய்தி:தனது முழு வாழ்க்கையையும் காங்கிரசுக்கு அர்ப்பணித்த அகமது படேலை இழந்துவிட்டதாகவும், ஈடுசெய்ய முடியாத நண்பர், விசுவாசமுள்ள தொண்டரை இழந்துவிட்டதாக சோனியா காந்தி கூறி உள்ளார். அகமது பட்டேல் மறைவால் துயரத்தில் தவிக்கும் அவரது குடும்பத்தினருக்கு ஆழ்ந்த இரங்கலை சோனியா காந்தி தெரிவித்துள்ளார்.

அமித் ஷா இரங்கல்

மத்திய உள்துறை அமைச்சர் அமித் ஷா தனது டுவிட்டர் பக்கத்தில் வெளியிட்டுள்ள இரங்கல் செய்தியில்,காங்கிரஸ் கட்சியின் மூத்த தலைவர் அகமது படேல் மரணம் குறித்த தகவல்கள் மிகவும் வருத்தமாக உள்ளன. காங்கிரஸ் கட்சி மற்றும்  பொது வாழ்க்கையில் அகமது படேல் ஜி ஒரு பெரிய பங்களிப்பை வழங்கினார். இந்த நேரத்தில் அவரது குடும்பத்தினருக்கும் ஆதரவாளர்களுக்கும் எனது இரங்கலைத் தெரிவித்துக் கொள்கிறேன். புறப்பட்ட ஆத்மாவை கடவுள் ஆசீர்வதிப்பார்  என்று மத்திய உள்துறை அமைச்சர் அமித் ஷா பதிவிட்டுள்ளார்.
 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

OXFORD EDUCATIONAL TRUST




Tirunelveli Business Directory