» செய்திகள் - விளையாட்டு » இந்தியா
நாடாளுமன்றத்துக்கு சைக்கிள் பயணம்: ராகுல் காந்தியின் மலிவான விளம்பர யுக்தி - பா.ஜனதா தாக்கு
புதன் 4, ஆகஸ்ட் 2021 10:29:18 AM (IST)
மோடியை தாக்குவதாக நினைத்துக்கொண்டு எதிர்க்கட்சியினர் இந்தியாவைத் தாக்குகின்றனர் என பாஜக தெரிவித்துள்ளது.
டெல்லியில் நேற்று காங்கிரஸ் முன்னாள் தலைவர் ராகுல் காந்தி, எதிர்க்கட்சி தலைவர்களுடன் மதிய உணவு நேர சந்திப்பை நிகழ்த்தி, நாடாளுமன்றத்துக்கு சைக்கிளில் சென்றநிலையில், அவர் மீது பா.ஜ.க. தாக்குதல் தொடுத்துள்ளது. பா.ஜ.க. தலைமை செய்தி தொடர்பாளர் அனில் பாலுனி கூறுகையில், ‘ராகுல் காந்தி டிராக்டர், சைக்கிள் ஓட்டுவது போன்ற மலிவான விளம்பர யுக்திகளில் ஈடுபடுகிறாரே தவிர, நாடாளுமன்றத்தை நடத்துவதைப் பற்றி அவருக்கு அக்கறையில்லை’ என்றார்.
மத்திய மந்திரியும், மாநிலங்களவை துணைத்தலைவருமான முக்தார் அப்பாஸ் நக்வி, ‘பா.ஜ.க.வுக்கு எதிரான குழுவின் தலைவராக தங்களை காட்டிக்கொள்வதற்காக, நாடாளுமன்ற செயல்பாடுகளுக்கு இடையூறு செய்வதில் எதிர்க்கட்சி உறுப்பினர்கள் ஒருவரை ஒருவர் தாண்டிச் செயல்படுகின்றனர். மோடியை தாக்குவதாக நினைத்துக்கொண்டு எதிர்க்கட்சியினர் இந்தியாவைத் தாக்குகின்றனர்’ என்று குற்றம்சாட்டினார்.