அமெரிக்காவின் விர்ஜினியா நகரில் துப்பாக்கிச் சூடு: 12 பேர் பலி ‍ - 4பேர் படுகாயம்!

அமெரிக்காவின் விர்ஜினியா நகரில் நடைபெற்ற துப்பாக்கிச் சூட்டில் 12 பேர் பரிதாபமாக உயிரிழந்தனர். மேலும் 4 பேர் படுகாயமடைந்தனர்.

அமெரிக்காவில் உள்ள விர்ஜினியா மாகாணத்தில் மக்கள் நெருக்கம் அதிகமாக உள்ள விர்ஜினியா பீச் சிட்டி என்னும் நகராட்சிக் கட்டிட வளாகத்துக்குள் புகுந்த நகராட்சியின் ஊழியர் அங்கிருந்தவர்களை சரமாரியாக சுட தொடங்கினார். இந்த சம்பவத்தில் 12 பேர் பலியாகினர், 4 பேர் காயம் அடைந்தனர். தகவல் கிடைத்ததும், அங்கு விரைந்து வந்த போலீஸார், தாக்குதல் நடத்திய நபரை சுட்டுக்கொன்று காயமடைந்தவர்களை மீட்டு மருத்துவமனைக்கு அனுப்பி வைத்தனர். இந்த சம்பவத்தால் அங்கு பதற்ற நிலை உருவாகியுள்ளது.