» செய்திகள் - விளையாட்டு » உலகம்

என் தந்தையின் உடல் கடலில் வீசப்பட்டதை நான் நம்பவில்லை: ஓமர் பின்லேடன் பேட்டி

வெள்ளி 2, டிசம்பர் 2022 10:40:17 AM (IST)

"எனது தந்தை பின்லேடனின் உடல் கடலில் வீசப்பட்டதாக அமெரிக்க ராணுவத்தினர் கூறியதை நம்பவில்லை" என்று பின்லேடனின் மகன் ஒமர் தெரிவித்துள்ளார்.

ஒசாமா பின் லேடனின் முதல் மனைவி நஜ்வாவுக்கு கடந்த 1981ஆம் ஆண்டு மார்ச் மாதம் சௌதி அரேபியாவில் பிறந்தவர் ஒமர். பின் லேடனின் நான்காவது மகனான ஒமர், பல்வேறு சம்பவங்களால் தான் கடுமையாக பாதிக்கப்பட்டதாகவும், தனது தந்தையுடனான மோசமான நாள்களை மறக்க முயல்வதாகவும் குறிப்பிட்டுள்ளார். 

41 வயதாகும் ஒமர், பிரான்ஸ் நாட்டின் நோர்மாண்டி நகரில் தனது மனைவி ஸைனாவுடன் வசித்து வருகிறார். ஒசாமா பின் லேடன், அடிக்கடி தன்னிடம், தனது பணிகளைத் தொடரும் மகனாக அவர் என்னைத்தான் தேர்வு செய்திருப்பதாகக் கூறுவார். ஆனால், ஒருபோதும் அல் கய்தாவில் இணையுமாறு என்னை வற்புறுத்தியதில்லை என்று தெரிவித்துள்ளார். ஓவியங்களை வரைந்து விற்பனை செய்து வரும் ஒமர், தனது பழைய மோசமான நினைவுகளிலிருந்து வெளியேற இது ஒரு சிகிச்சை போல இருப்பதாகவும், கூறுகிறார்.

தனது தந்தை ஒசாமா பின் லேடனின் உடல் கடலில் வீசப்பட்டதாக அமெரிக்க ராணுவத்தினர் கூறியபோதிலும், அதனை தான் நம்பவில்லை என்று கூறும் ஒமர், அவரது உடலை புதைத்திருந்தால், அது எங்கே என்று அறிந்து கொள்வது நன்றாக இருந்திருக்கும். ஆனால் அதற்கு எனக்கு வாய்ப்பு கிடைக்கவில்லை. அவர்கள் அந்த உடலை என்ன செய்தார்கள் என்று தெரியவில்லை. கடலில் வீசிவிட்டதாகக் கூறுகிறார்கள். ஆனால் அதை நான் நம்பவில்லை, அவர்கள் அமெரிக்க மக்களுக்குக் காட்ட அதனை கொண்டு சென்றிருக்கலாம் என்று கருதுகிறேன். 

தான் ஆப்கானிஸ்தானில் சிறுவனாக இருந்த போதே தன்னிடம் துப்பாக்கிகளைக் கொடுத்து சுடப் பயிற்சி அளித்ததாகவும், ஒசாமா பின் லேடன், தனது தடம் பற்றி வர பயிற்சி அளித்ததாகவும் ஆங்கில ஊடகம் ஒன்றுக்கு அளித்த பேட்டியில் அவர் தெரிவித்துள்ளார். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads





Tirunelveli Business Directory