ஈரானில் பேருந்து கவிழ்ந்து விபத்து: பாகிஸ்தான் யாத்ரீகர்கள் 28 பேர் பலி

» செய்திகள் - விளையாட்டு » உலகம்

ஈரானில் பேருந்து கவிழ்ந்து விபத்து: பாகிஸ்தான் யாத்ரீகர்கள் 28 பேர் பலி

புதன் 21, ஆகஸ்ட் 2024 5:50:19 PM (IST)

ஈரானில் பேருந்து விபத்துக்குள்ளானதில் பாகிஸ்தானைச் சேர்ந்த யாத்ரீகர்கள் 28 பேர் பரிதாபமாக உயிரிழந்தனர். மேலும் 23 பேர் காயமடைந்தனர்.

மத்திய ஈரானிய மாகாணமான யாஸ்டில் இந்த விபத்து ஏற்பட்டுள்ளது. முதற்கட்ட விசாரணையில் பேருந்து பிரேக்கிங் சிஸ்டத்தில் ஏற்பட்ட தொழில்நுட்பக் கோளாறு காரணமாக இந்த விபத்து ஏற்பட்டுள்ளதாக ஈரானிய போக்குவரத்து காவல்துறையினர் தெரிவித்துள்ளனர்.

இந்த விபத்தில் துரதிர்ஷ்டவசமாக 11 பெண்களும், 17 ஆண்களும் பரிதாபமாக பலியாகினர். காயமடைந்தவர்களில் 7 பேர் கவலைக்கிடமான நிலையில் மருத்துவமனையில் சேர்க்கப்பட்டுள்ளனர். மேலும், 6 பேர் தற்போது மருத்துவமனையில் இருந்து வீட்டுக்கு அனுப்பப்பட்டுள்ளதாக யாஸ்ட் மாகாண மேலாண்மை இயக்குநர் தெரிவித்தார்.

இதுகுறித்து வெளியுறவு அமைச்சக செய்தித் தொடர்பாளர் நாசர் கனானி தன்னுடைய எக்ஸ் தளப் பக்கத்தில் வெளியிட்டுள்ளப் பதிவில், " எங்களின் சகோதரத்துவமிக்க அண்டை நாடான பாகிஸ்தானைச் சேர்ந்த இறந்தவர்களின் குடும்பங்களுக்கு எங்கள் ஆழ்ந்த அனுதாபத்தை தெரிவித்துக்கொள்கிறோம். ஈரானில் சம்பந்தப்பட்ட அதிகாரிகள் நிவாரணம், சிகிச்சைப் பணியில் தீவிரமாக ஈடுபட்டுள்ளனர்” எனக் குறிப்பிட்டுள்ளார்.

ஈராக்கின் கர்பலா மாகாணத்தில் அர்பைன் யாத்திரையில் லட்சக்கணக்கான ஷியா முஸ்லிம்கள் ஈடுபட்டுள்ளனர். ஷியா இஸ்லாமின் முக்கியமானவரும், முகமது நபியின் பேரனுமான இமாம் ஹுசைன் பின் அலியின் தியாகத்தைக் குறிக்கும் நிகழ்விற்காக இந்த யாத்திரை மேற்கொள்ளப்படுவது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஈரானில் பேருந்து கவிழ்ந்து விபத்து: பாகிஸ்தான் யாத்ரீகர்கள் 28 பேர் பலி

» செய்திகள் - விளையாட்டு » உலகம்