தூத்துக்குடியில் இஸ்லாமிய அமைப்புகள் ஆர்ப்பாட்டம்

பாபர் மசூதி இடிப்பு தினத்தை முன்னிட்டு தூத்துக்குடியில் இஸ்லாமிய அமைப்புகள் சார்பில் கண்டன ஆர்ப்பாட்டம் நடைபெற்றது. 

பாபர் மசூதி இடிப்பை கண்டித்தும், 25ஆண்டு கால வழக்கிற்கு நீதி கோரியும், இடிக்கப்பட்ட இடத்தில் மீண்டும் பாபர் மசூதி கட்ட வேண்டும் என வலியுறுத்தியும் தூத்துக்குடியில் எஸ்டிபிஐ கட்சி சார்பில் ராஜாஜி பூங்கா அருகே கண்டன ஆர்ப்பாட்டம் நடைபெற்றது. மாவட்ட தலைவர் ஷேக் அஷ்ரப் அலி தலைமை வகித்தார். மாநில பேச்சாளர் சாஹூல் ஹமீது கண்டன உரையாற்றினார். 

ஆர்ப்பாட்டத்தில், விடுதலை சிறுத்தைகள் கட்சி மாவட்ட செயலாளர் முரசு தமிழப்பன், அருட்பணியாளர் சுந்தரி மைந்தன், நிலத்தடி நீர் பாதுகாப்பு இயக்க ஒருங்கிணைப்பார் புதுக்குடி ராஜா, பாப்புலர் பிரன்ட் ஆப் இந்தியா பாசுல் சமீர், எஸ்டிஐ மாவட்ட பொருளாளர் மைதீன்கனி, மாவட்ட துணைத் தலைவர் முகம்மது அலி, உட்பட பலர் கலந்து கொண்டனர். ஆர்ப்பாட்டத்தில் திரளான பெண்கள் கலந்து கொண்டு கண்டன கோஷங்களை எழுப்பினர்.

இதுபோல், மனிதநேய மக்கள் முன்னேற்ற கழகம் சார்பில் திருச்செந்தூர் ரோட்டில் காமராஜ் கல்லூரி அருகே கண்டன ஆர்ப்பாட்டம் நடைபெற்றது. மாநகர தலைவர் அப்துல் காதர் தலைமை வகித்தார். மாவட்ட தலைவர் செய்யது சம்சுதீன் முன்னிலை வகித்தார். மாநில கொள்கை பரப்புச் செயலாளர் பேட்டை முஸ்தபா கன்டன உரையாற்றினார். தமிழ் புலிகள் கத்தார் பாலு, மற்றும் கட்சி நிர்வாகிகள் முகம்மது ரெளபிக், முகம்மது ஜான் உட்பட பலர் கலந்து கொண்டனர்.