திமுக எந்த மதத்திற்கும், ஜாதிக்கும் எதிரானது அல்ல : பாளை.,யில் மு.க. ஸ்டாலின் பேச்சு

திமுக எந்த மதத்திற்கும், ஜாதிக்கும் எதிரானது அல்ல என பாளையங்கோட்டையில் திமுக தலைவர் ஸ்டாலின் பிரச்சாரத்தின் போது பேசினார் .

தமிழகத்தில் பாராளுமன்ற தேர்தல் வாக்குப்பதிவு வரும் 18 ம் தேதி நடைபெற உள்ள நிலையில் முக்கிய அரசியல் கட்சிகளின் தலைவர்கள் தீவிர பிரச்சாரம் செய்து வருகின்றனர். இதில் திருநெல்வேலியில் போட்டியிடும் திமுக வேட்பாளர் ஞானதிரவியத்தை ஆதரித்து பாளையங்கோட்டையில் நடைபெற்ற கூட்டத்தில் பங்கேற்று திமுக தலைவர் ஸ்டாலின் பேசியதாவது, திமுக குறிப்பிட்ட மதம், ஜாதிக்கு ஆதரவானது என சித்தரிக்கப்படுகிறது. ஆனால் எந்த மதத்திற்கும், ஜாதிக்கும் திமுக எதிரானது அல்ல.

காங்கிரஸ் தலைவர் ராகுல் காந்தியை பிரதமர் வேட்பாளராக நான் அறிவித்தது குறித்து எங்கள் கூட்டணியில் சர்ச்சை ஏற்பட்டுள்ளதாகவும் கூறி வருகின்றனர். ஆனால் ராகுல் காந்தியை பிரதமர் வேட்பாளராக நான் அறிவிப்பேன் என்று எதிர்பார்க்காதவர்கள், தான் எங்களை இந்து விரோத கட்சி என முத்திரை குத்த முயல்கின்றனர். அனைத்து ஜாதியினரும் அர்ச்சகர் ஆகலாம் என சட்டம் கொண்டு வந்தது திமுக தான். அவமானங்கள், அவதூறுகளை புறந்தள்ளி விட்டு திமுக பயணிக்கிறது. எட்டு வழிச்சாலை குறித்த நீதிமன்றத்தின் தீர்ப்பு அதிமுக அரசுக்கு சம்மட்டி அடி. காங்கிரஸ் தலைமையிலான மத்திய ஆட்சியில் தி.மு.க. அங்கம் வகித்த போது அளப்பரிய சாதனைகளை செய்துள்ளது. இவ்வாறு அவர் பேசினார்.