மோட்டார்பைக்கில் மணல் கடத்திய 2 பேர் கைது

கங்கை கொண்டான் அருகே மோட்டார்பைக்கில் மணல் கடத்தியதாக 2 பேரை போலீசார் கைது செய்து விசாரணை நடத்தி வருகின்றனர்.

திருநெல்வேலி அருகே உள்ள தாழையூத்தை சேர்ந்த பால்துரை (36). ராஜவல்லிபுரத்தை சேர்ந்தவர் மாரிதுரை (38). இவர்கள் 2 பேரும், கங்கை கொண்டான் பகுதியில் உள்ள சிற்றாற்று மணலை திருடி, 4 சாக்கு மூட்டைகளில் கட்டி 2 மோட்டார்பைக்கில் வைத்து அடிக்கடி கடத்தி சென்றனர். இதுகுறித்து போலீசாருக்கு தகவல் கிடைத்தது. அவர்கள் மோட்டார்பைக்கில் 4 மூட்டை ஆற்று மணலை கடத்தி சென்ற போது, கங்கைகொண்டான் போலீசார் அவர்களை கைது செய்தனர். அவர்களிடம் இருந்து மணல் மூட்டைகளையும், 2 மோட்டார் சைக்கிளையும் பறிமுதல் செய்து விசாரணை நடத்தி வருகின்றனர்.