முழு ஊரடங்கால் ஸ்தம்பித்தது தென்காசி மாவட்டம்

தமிழக அரசு ஞாயிற்று கிழமைகளில் அறிவித்துள்ள முழு ஊரடங்கால் தென்காசி மாவட்டம் ஸ்தம்பித்தது

தமிழகம் முழுவதும் கொரோனா‌ பரவலை கட்டுப்படுத்த நூறு நாட்களை தாண்டி அமலில் உள்ளது. சில தளர்வுகளுடன் செயல்படும் ஊரடங்கில் ஜுலை மாதம் முழுவதும் உள்ள ஞாயிற்றுக்கிழமை எவ்வித தளர்வுமின்றி முழு ஊரடங்கு கடைபிடிக்க படுகிறது.இந்நிலையில் ‌‌‌‌‌‌இன்று‌ முழு ஊரடங்கை முன்னிட்டு ‌‌‌தென்காசி மாவட்டத்தில் தென்காசி, வாசுதேவநல்லுார், கடையநல்லுார்,செங்கோட்டை, ஆலங்குளம், சிவகிரி மற்றும் சுரண்டையில் காலை முதலே அனைத்து கடைகளும் அடைக்கப்பட்டன.

காய்கறி, மளிகை, டீ, ஹோட்டல் உள்ளிட்ட அனைத்து கடைகளும் அடைக்கப்பட்டு இருந்தன. பால், மருத்துவமனை, மெடிக்கல் மட்டும் திறந்திருந்தன. ஆட்டோ, உள்ளிட்ட எவ்வித வாகனங்களும் இயங்கவில்லை. மருத்துவமனைகளில் பணிபுரிவோர் மட்டுமே ‌‌‌‌‌‌‌‌‌‌‌இரு‌ சக்கர வாகனத்தில் சென்றனர். ஊரடங்கை முன்னிட்டு சுரண்டை போலீஸ் இன்ஸ்பெக்டர் மாரீஸ்வரி எஸ்ஐ ஜெயராஜ் தலைமையில் போலீசார் தீவிர கண்காணிப்பில் ஈடுபட்டனர்.