ஆட்டோ கவிழ்ந்து டிரைவர் பலி 2 பேர் படுகாயம்

தென்காசி அருகே ஆட்டோ கவிழ்ந்து டிரைவர் பரிதாபமாக இறந்தார்.  மேலும் இருவர் படுகாயமடைந்தனர். 

தென்காசி மாவட்டம் பாவூர்சத்திரம் அருகே உள்ள வெய்காலிபட்டி கீழ தெருவை சேர்ந்தவர் பால்பாண்டி மகன் மணிகண்டன் (24). இவர் சொந்தமாக ஆட்டோ வைத்து அதில் டிரைவராகவும் இருந்துள்ளார்.இவர் பூவனூரில் இருந்து பயணிகளை ஏற்றிக்கொண்டு திரவியநகர் அருகே சென்று கொண்டிருந்தார். அப்போது நாய் குறுக்கே வந்ததால் ஆட்டோவை திருப்பும்போது, ஆட்டோ நிலை தடுமாறி கவிழ்ந்து விபத்து ஏற்பட்டது.  இந்த விபத்தில் மணிகண்டன் மற்றும் இரு பயணிகள் படுகாயம் அடைந்தனர்.

அவர்களை தென்காசி அரசு மருத்துவமனைக்கு கொண்டு சென்ற போது செல்லும் வழியில் மணிகண்டன் பரிதாபமாக இறந்தார். இருவர் மருத்துவமனையில் சிகிச்சை பெற்றுவருகின்றனர் .இச்சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.