» செய்திகள் - விளையாட்டு » மாவட்ட செய்தி (திருநெல்வேலி)

தென்காசி மாவட்டத்தில் நான்கு சதமடித்த கொரோனா : இன்று 20 பேருக்கு பாதிப்பு

திங்கள் 6, ஜூலை 2020 8:36:49 PM (IST)

தென்காசி மாவட்டத்தில் இன்று 20 பேர்களுக்கு கொரோனா தொற்று ஏற்பட்டுள்ளது . இதனால்  பாதிப்பு எண்ணிக்கை 468 ஆக உயர்ந்துள்ளது. இவர்களில் குணமடைந்தோர் 324 பேர்கள் வீடுகளுக்குத் திரும்பி உள்ளனர்.140 பேர்கள் மருத்துவமனையில் சிகிச்சை பெற்று வருகின்றனர்.

தென்காசி மாவட்டத்திற்கு வெளிநாடுகளில் இருந்து வந்த 546 பேர்கள், வெளி மாநிலங்களில் இருந்து வந்த 3146 பேர்கள், சென்னை நீங்கலாக வெளி மாவட்டங்களில் இருந்து வந்த 2962 பேர்கள், சென்னையில் இருந்து வந்த 3657 பேர்கள் ஆக மொத்தம் 10,311 பேர்கள் வெளியிடங்களில் இருந்து வந்துள்ளனர். இவர்களில் 9538 பேர்கள் வீடுகளில் தனிமைப்படுத்தப்பட்டுள்ளனர். அரசு கோவிட்-19 மையங்களில் 773 பேர்கள் தங்க வைக்கப்பட்டுள்ளனர்.இன்று 20 பேர்களுக்கு கொரோனா தொற்று உறுதி செய்யப்பட்டுள்ளது. இவர்கள் அனைவரும்  தென்காசி மாவட்டத்தைச் சேர்ந்தவர்கள்.  57 பேர்கள் கொரோனா அறிகுறியுடன் மருத்துவ பரிசோதனைக்கு வந்தனர். 8 பேர்கள் தனியார் மருத்துவமனையில் சிகிச்சை பெற்று வருகின்றனர்.

தென்காசி மாவட்டத்தில் இதுவரை கொரோனா தொற்றால் பாதிக்கப்பட்டோர் எண்ணிக்கை நான்கு சதத்தை கடந்து 468 ஆக உயர்ந்துள்ளது. அதே வேளையில் பூர்ண குணமாகி வீடுகளுக்கு அனுப்பப்பட்டோர் எண்ணிக்கை 324 ஆக உயர்ந்துள்ளது.  இன்று மட்டும்  23 பேர்கள் குணமாகியுள்ளனர்.140 பேர்கள்  அரசு மருத்துவமனையில் சிகிச்சை பெற்று வருகின்றனர். கொரோனா தொற்றால் பாதிக்கப்பட்டோர் வசித்த பகுதிகள் தனிமைப்படுத்தப்பட்டு சுகாதாரப் பணிகள் தீவிரப்படுத்தப்பட்டுள்ளன.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads




Tirunelveli Business Directory