சிறுமியை திருமணம் செய்து கர்ப்பமாக்கிய வாலிபர் போக்சோ சட்டத்தில் கைது

சிவகிரியில் சிறுமியை திருமணம் செய்து கர்ப்பமாக்கிய வாலிபர் போக்சோ சட்டத்தின் கீழ் கைது செய்யப்பட்டு சிறையில் அடைக்கப்பட்டார்.

தென்காசி மாவட்டம் சிவகிரி அம்பேத்கர் தெற்குத் தெருவைச் சேர்ந்த ராஜா (20) என்பவர் 16 வயது சிறுமியை காதலித்து, கடந்த 27.09.2020ல் திருமணம் செய்துள்ளார். சிறுமி தற்போது 3 மாத கர்ப்பிணியாக இருக்கிறார். இதுகுறித்து தகவல் அறிந்து சமூக நல விரிவாக்க நல அலுவலர் குருபாக்கியம் சிவகிரி காவல் நிலையத்தில் புகார் செய்தார். காவல் ஆய்வாளர் கோவிந்தன், போக்சோ சட்டத்தின் கீழ் வழக்கு பதிந்து ராஜாவை கைது செய்து சிவகிரி குற்றவியல் நீதிமன்றத்தில் ஆஜர்படுத்தினார். நீதிபதி அந்நபரை 15 நாட்கள் காவலில் வைக்க உத்தரவிட்டார்.