உதயநிதி கைதை கண்டித்து திமுகவினர் மறியல்

திமுக மாநில இளைஞரணி செயலாளர் உதயநிதி ஸ்டாலின் கைது செய்ததை கண்டித்து  கடையநல்லூரில் சாலை மறியல் போராட்டத்தில் ஈடுபட்ட திமுகவினர் 80 பேரை போலீசார் கைது செய்தனர்.

கடையநல்லூர் மணிக்கூண்டு அருகே நடந்த சாலை மறியல் போராட்டத்திற்கு தென்காசி வடக்கு மாவட்ட செயலாளர் ஆ.துரை தலைமை வகித்தார்.   போராட்டத்தில் ஈடுபட்ட தலைமை செயற்குழு உறுப்பினர் யுஎஸ்டி சீனிவாசன், மாவட்ட பொருளாளர் சேக்தாவூது, பொதுக்குழு உறுப்பினர் காசிதர்மம் துரை, மாவட்ட துணை செயலாளர் பேபி ரஜப்பாத்திமா, மாநில சிறுபான்மை பிரிவு துணை செயலாளர் ரசாக், மாநில மாணவரணிதுணை செயலாளர் செரீப்,  நகர செயலாளர்கள்  சேகனா, புளியங்குடி ராஜகாந்த், ஒன்றிய செயலாளர்கள் செல்லத்துரை, ரவிசங்கர், 

மாவட்ட அணி  அமைப்பாளர்கள் இளைஞரணி ஆறுமுகச்சாமி, மாணவரணி வக்கீல்  வெங்கடேசன், மீனவர் அணி ஜபருல்லாகான், தகவல் தொழில்நுட்ப அணி சிவக்குமார்,துணை அமைப்பாளர்கள் முத்துவேல், ஹக்கீம், அழகு தமிழ் சங்கர், உதயநிதி ஸ்டாலின் நற்பணி மன்ற மாவட்ட செயலாளர் பேராசிரியர் செல்லத்துரை, மாவட்ட தலைவர் ஈஸ்வரன், துணைப் பொருளாளர் கருத்தபாண்டி, நகர நிர்வாகிகள் உள்ளிட்ட 80 பேரை இன்ஸ்பெக்டர் மனோகரன் தலைமையிலான  போலீசார் கைது செய்தனர்.