சட்டவிரோதமாக கஞ்சா, மது விற்பனை : 2பேர் கைது

சிவகிரி அருகே மதுபாட்டில்களை சட்டவிரோதமாக விற்பனை செய்தவரை போலீசார் கைது செய்து அவரிடமிருந்து 27 மது பாட்டில்கள் மற்றும் பைக் பறிமுதல் செய்யப்பட்டது.

தென்காசி மாவட்டம் சிவகிரி அருகேயுள்ள தேவிபட்டணம் பகுதியில் உதவி ஆய்வாளர் ராஜேந்திரன் ரோந்து பணியில் ஈடுபட்டார்.அப்போது அப்பகுதியைச்சேர்ந்த கருப்பையா மகன் பேச்சியப்பன் (34) என்பவர் பைக்கில் மதுபாட்டில்களை வைத்து சட்டவிரோதமாக விற்பனை செய்துள்ளார். சப்-இன்ஸ்பெக்டர் ராஜேந்திரன் அவரை கைது செய்து, அவரிடமிருந்து 27 மது பாட்டில்கள் மற்றும் பைக்கை பறிமுதல்செய்தார். இதுகுறித்து சிவகிரி போலீசார் வழக்குபதிவு செய்து விசாரணை நடத்தி வருகின்றனர்.

சிவகிரியில் சட்டவிரோதமாக கஞ்சா விற்பனை செய்தவரை போலீசார் கைதுசெய்தனர்.

சிவகிரி காவல்நிலைய உதவி ஆய்வாளர் ராஜேந்திரன் ரோந்து பணியில் ஈடுபட்டார். அவர் சிவகிரி திரவுபதியம்மன் கோவில் பகுதியில் ரோந்து சென்ற போது அங்கு சந்தேகத்திற்கிடமான முறையில் நின்ற நபரை பிடித்து விசாரணை செய்தார்.விசாரணையில் அந்நபர் சிவகிரி மெயின் ரோட்டைச் சேர்ந்த மாரியப்பன் மகன் மாடசாமி (25) என்றும், அவர் கஞ்சா பொட்டலங்கள் வைத்து விற்பனை செய்ததும்தெரிய வந்தது. இதனையடுத்து மாடசாமியை கைது செய்யப்பட்டு அவரிடமிருந்த கஞ்சா பொட்டலங்கள் பறிமுதல்செய்யப்பட்டது.இதுகுறித்து சிவகிரி போலீசார் வழக்கு பதிவு செய்து விசாரணை நடத்தி வருகின்றனர்.