தூத்துக்குடி மக்களின் குறைகளை தெரிவிக்க செயலி உருவாக்க வேண்டும் - எம்பவர் கோரிக்கை!!

தூத்துக்குடி மாநகராட்சியில் பொதுமக்களின் குறைகளை தெரிவிப்பதற்கு செயலி உருவாக்கம் செய்ய வேண்டும் என எம்பவர் இந்தியா வலியுறுத்தியுள்ளது. 

இது தொடர்பாக மாவட்ட ஆட்சியர் மற்றும் மாநகராட்சி ஆணையருக்கு, எம்பவர் இந்தியா நுகர்வோர் கல்வி & சுற்றுச்சூழல் மற்றும் ஆராய்ச்சி நடுவம் செயல் இயக்குநர் ஆ. சங்கர் அனுப்பியுள்ள மனு: தூத்துக்குடி மாநகராட்சியில் பொதுமக்களின் குறைகளை தெரிவிப்பதற்கு வாட்ஸ் அப் செயலி உருவாக்கம் செய்ய வேண்டும். இந்த செயலி உருவாக்கப்பட்டால் பொதுமக்கள் எரியாத தெரு விளக்கு, சேதமடைந்த சாலைகள் போன்ற தூத்துக்குடி மாநகராட்சி சம்மந்தமான பிரச்சினைகளை உடனுக்குடன் தெரிவிப்பதற்கு வசதியாக இருக்கும். 

ஏற்கனவே இதுகுறித்து 28.12.2020 அன்று மாவட்ட ஆட்சியர் தலைமையில் நடைபெற்ற சாலைப் பாதுகாப்புக் குழுக் கூட்டத்தில் விவாதிக்கப்பட்டு இத்திட்டத்தை செயல்படுத்திட கேட்டுக் கொள்ளப்பட்டுள்ளது. ஆகவே தாங்கள் இவ்விஷயத்தில் நேரிடையாக தலையிட்டு மேற்கண்ட கோரிக்கையை நிறைவேற்றுமாறு அவர் கோரிக்கை விடுத்துள்ளார்.