மொபட் மீது தனியார் பஸ் மோதல் : தொழிலதிபர் பலி

வாசுதேவநல்லூர் அருகே மொபட் மீது தனியார் பஸ் மோதியதில் தொழிலதிபர் பரிதாபமாக இறந்தார்.

தென்காசி மாவட்டம் வாசுதேவநல்லூர் அருகே உள்ள வெள்ளான கோட்டையைச் சேர்ந்தவர் பாலையா மகன் குருசாமி (56). இவர் டீ கப் தயாரிக்கும் கம்பெனி வைத்துள்ளார். இவர் மொபட்டில் வீட்டிலிருந்து கம்பெனிக்கு சென்று கொண்டிருந்தார். வாசுதேவநல்லூர் அருகே தென்காசி - மதுரை மெயின் ரோட்டில் சென்றபோது பின்னால் வந்த தனியார் பஸ் மொபட் மீது மோதியது. 

இந்த விபத்தில் பலத்த காயம் அடைந்த குருசாமி புளியங்குடி அரசு மருத்துவமனையில் சிகிச்சைக்காக சேர்க்கப்பட்டார். அங்கு தீவிர சிகிச்சை அளித்தும் பலனின்றி பரிதாபமாக இறந்தார். இச்சம்பவம் குறித்து வாசுதேவநல்லூர் காவல்நிலையத்தில் புகார் செய்யப்பட்டது. இன்ஸ்பெக்டர் அந்தோணி வழக்குப்பதிவு செய்து, தனியார் பஸ் டிரைவர் சொக்கலிங்க புரத்தைச் சேர்ந்த காளிராஜ் (29 ) என்பவரை கைது செய்து விசாரணை நடத்தி வருகிறார் .