பைக் விபத்தில் விசாயி பலி: மகள்கள் உட்பட 3பேர் காயம்

சங்கரன்கோவில் அருகே பைக் விபத்தில் விவசாயி உயிரிழந்தார். அவரது 2 மகள்கள் உட்பட 3பேர் படுகாயம் அடைந்தனர்.

தென்காசி மாவட்டம் சங்கரன்கோவில் அருகே உள்ள வடக்குப் புதூர் கிராமத்தை சேர்ந்தவர் சக்திவேல்(65) விவசாயி.  இவர் தனது மகள்கள் பொன்னுத்தாய், விஜயகுமாரி ஆகியோர்களுடன் நேற்று மாலை மோட்டார் சைக்கிளில் ஊர் திரும்பி கொண்டிருந்தனர்.  

அப்போது அதே ஊரை சேர்ந்த குருசாமி (56) என்பவர் நடந்து சென்று கொண்டிருந்தார். அவர் மீது மோட்டார் சைக்கிள் மோதியது.  இதில் மோட்டார் சைக்கிள் கவிழ்ந்ததில் சக்திவேல் காயமடைந்து உயிரிழந்தார்.  மேலும் குருசாமி, பொன்னுத்தாய், விஜயகுமாரி ஆகியோர் காயமடைந்து சங்கரன்கோவில் அரசு மருத்துவமனையில் சிகிச்சை பெற்று வருகின்றனர். விபத்து குறித்து சங்கரன்கோவில் தாலுகா போலீசார் விசாரணை நடத்தி வருகின்றனர்