» செய்திகள் - விளையாட்டு » மாவட்ட செய்தி (திருநெல்வேலி)
தச்சை வேதிக் வித்யாஷ்ரம் பள்ளியில் வித்யாரம்பம் பூஜை
வெள்ளி 15, அக்டோபர் 2021 11:34:04 AM (IST)
நெல்லை, தச்சநல்லூர் வேதிக் வித்யாஷ்ரம் சிபிஎஸ்இ பள்ளியில் விஜயதசமியை முன்னிட்டு வித்யாரம்பம் பூஜை நடைபெற்றது.
இதில் பள்ளி தாளாளர் துரைசாமி, முதல்வர் ஈனோஷ் ஆகியோர் கலந்துகொண்டு சிறப்பித்தனர். இந்நாளில் பெற்றோர்கள் தங்கள் குழந்தைகளை பள்ளியில் சேர்க்க ஆர்வம் கொண்டு தங்கள் மழலைக் குழந்தைகளை பள்ளிக்கு அழைத்து வந்து அரிசியில் குழந்தைகளை எழுதச்செய்து பள்ளியில் சேர்த்தனர். பின்னர் பள்ளி தாளாளர் கூறுகையில் எங்கள் பள்ளியில் சிறந்த அனுபவமுள்ள ஆசிரியர்களைக் கொண்டு பயிற்சி அளிக்கப்படுகிறது. மேலும் தாயுள்ளத்தோடு குழந்தைகள் கவனிக்கப்படுகின்றனர்.
நல்ல காற்றோட்டமான விசாலமான வகுப்பறைகளை கொண்டும், தொடுதிரை தொழில்நுட்பத்துடனும், சுத்தமான குடிநீர் மற்றும் மழலையர்கள் உடற்பயிற்சிகூடத்துடனும் தரமான கல்வி போதிக்கப்படுகிறது. அனைத்து பகுதிகளுக்கும் போக்குவரத்து வசதி செய்யப்பட்டுள்ளது. தற்போது மாணவ மாணவியர் சேர்க்கை நடைபெற்றுக்கொண்டிருக்கிறது என கூறினார். நிகழ்ச்சியில் மேலாளர் முத்துகிருஷ்ணன், கேஜி ஒருங்கிணைப்பாளர் சிவஞானம் மற்றும் ஆசிரிய ஆசிரியைகள், மாணவ மணாவியர்கள், பெற்றோர்கள், திரளாக கலந்து கொண்டு சிறப்பித்தனர்.