பிளஸ் 2 மாணவி உட்பட 2 இளம்பெண்கள் மாயம்

தூத்துக்குடியில் வெவ்வேறு பகுதிகளில் பிளஸ் 2 மாணவி உட்பட 2 இளம்பெண்கள் காணாமல் போனது குறித்து போலீசார் விசாரணை நடத்தி வருகின்றனர். 

தூத்துக்குடி, வள்ளிநாயக புரத்தைச் சேர்ந்தவர் ஜேசுராஜ். இவரது மகள் ஜென்பி (16), தூத்துக்குடியில் பிளஸ் 2 படித்து வருகிறார். கடந்த 14ம் தேதி முதல் இவரை காணவில்லை. குடும்பத்தினர் பல இடங்களில் தேடிப்பார்த்தும் அவரைப் பற்றிய தகவல் தெரியவில்லை. இதுகுறித்து அவரது தந்தை தென்பாகம் காவல் நிலையத்தில் புகார் அளித்தார். புகாரின் பேரில் இன்ஸ்பெக்டர் ஆனந்தராஜன் வழக்குப் பதிந்து விசாரணை நடத்தி வருகிறார். 

தூத்துக்குடி மாவட்டம், நாகலாபுரம் அருகேயுள்ள பள்ளிவாசல்பட்டி கிராமத்தைச் சேர்ந்தவர் மகேந்திரன் மகள் கார்த்தீஸ்வரி (21). இவரை கடந்த 14ம் தேதி காணவில்லை. குடும்பத்தினர் பல இடங்களில் தேடிப்பார்த்தும் அவரைப் பற்றிய தகவல் தெரியவில்லை. இதுகுறித்து அவரது தந்தை சங்கரலிங்கபுரம் காவல் நிலையத்தில் புகார் அளித்துள்ளார். புகாரின் பேரில் சப் இன்ஸ்பெக்டர் ஜின்னா பீர் முகம்மது வழக்குப் பதிந்து விசாரணை நடத்தி வருகிறார்.