» செய்திகள் - விளையாட்டு » மாவட்ட செய்தி (திருநெல்வேலி)
ஆட்டோ டிரைவர் விஷம் குடித்து தற்கொலை
திங்கள் 17, ஜனவரி 2022 10:26:08 AM (IST)
கடையம் அருகே ஆட்டோ டிரைவர் விஷம் குடித்து தற்கொலை செய்தது தொடர்பாக போலீசார் விசாரணை நடத்தி வருகின்றனர்.
தென்காசி மாவட்டம் கடையம் அருகே மைலப்பபுரம் முருகன் கோவில் தெருவைச் சேர்ந்தவர் பால்வண்ணன் மகன் முத்துக்குமார் (33). ஆட்டோ டிரைவர். இவர் அங்குள்ள காலனி அருகே மதுவில் விஷம் கலந்து குடித்து இறந்து கிடந்தார்.
இதுகுறித்து தகவல் அறிந்த கடையம் போலீசார் சம்பவ இடத்திற்கு விரைந்து வந்து, முத்துக்குமார் உடலை கைப்பற்றி பிரேத பரிசோதனைக்கு அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து தற்கொலைக்கான காரணம் குறித்து விசாரித்து வருகின்றனர்.