» செய்திகள் - விளையாட்டு » மாவட்ட செய்தி (திருநெல்வேலி)
மளிகைகடையில் பூட்டை உடைத்து ரூ.80 ஆயிரம் திருட்டு
செவ்வாய் 18, ஜனவரி 2022 9:10:28 PM (IST)
விளாத்திகுளத்தில் மளிகை கடையில் பூட்டை உடைத்து ரூ.80 ஆயிரம் திருடிய மர்ம நபரை போலீசார் தேடிவருகின்றனர்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், விளாத்திகுளம் காமராஜ் நகரை சேர்ந்த கனிராஜ் மகன் ஸ்டாலின் (43). இவர் விளாத்திகுளம் மார்க்கெட் எம்.ஜி.ஆர் சிலை அருகே மளிகை கடை நடத்தி வருகிறார். நேற்று இரவு வழக்கம் போல் கடையை பூட்டிவிட்டு சென்றுள்ளார். இன்று காலையில் கடையின் பூட்டு உடைக்கப்பட்டு கடை திறந்து கிடந்துள்ளது. கடைக்குள் சென்று அவர் பார்த்தபோது, கல்லா பெட்டியில் அவர் வைத்திருந்த ரூ.80 ஆயிரம் திருடப்பட்டு இருந்தது. இதுகுறித்து ஸ்டாலின் அளித்த புகாரின் பேரில் விளாத்திகுளம் போலீசார் வழக்குப்பதிவு செய்து விசாரணை நடத்தி வருகின்றனர்.
thambiJan 19, 2022 - 07:15:07 AM | Posted IP 173.2*****