» செய்திகள் - விளையாட்டு » மாவட்ட செய்தி (திருநெல்வேலி)
ஆவின் நிறுவனத்தில் விநியோகஸ்தர்கள் நியமனம்: விண்ணப்பங்கள் வரவேற்பு
செவ்வாய் 7, பிப்ரவரி 2023 4:53:07 PM (IST)
நெல்லை மாவட்டத்தில் ஆவின் நிறுவனத்தின் ஐஸ்கிரீம், தயிர் விற்பனை செய்வதற்கு மொத்த மற்றும் சில்லரை விநியோகஸ்தர்கள் நியமனம் செய்யப்பட்ட உள்ளனர்.
இது தொடர்பாக ஆவின் பொது மேலாளர் தியானேஷ்பாபு வெளியிட்ட செய்திக்குறிப்பு : திருநெல்வேலி மாவட்ட கூட்டுறவு பால் உற்பத்தியாளர்கள் ஒன்றியத்தின் மூலம் ஐஸ்கிரீம் மற்றும் தயிர் விற்பனை செய்வதற்கு மொத்த மற்றும் சில்லரை விநியோகஸ்தர்கள் நியமனம் செய்யப்பட்ட உள்ளனர்.
திருநெல்வேலி மற்றும் தென்காசி மாவட்டங்களை சார்ந்த விருப்பம் உள்ளவர்களிடமிருந்து விண்ணப்பங்கள் வரவேற்கப்படுகின்றன. இது குறித்த விபரங்கள் அறிந்து கொள்ள ரெட்டியார்பட்டி சாலையில் அமைந்துள்ள நெல்லை ஆவின் அலுவலகத்திற்கு நேரடியாக வந்து விபரங்களை தெரிந்து கொள்ளலாம் என ஆவின் பொது மேலாளர் தெரிவித்துள்ளார்.