அருப்புக்கோட்டை பேராசிரியை நிர்மலாதேவியிடம் இருந்து 3 செல்போன்கள் பறிமுதல்

அருப்புக்கோட்டை பேராசிரியை நிர்மலாதேவியிடம் இருந்து 3 செல்போன்கள் பறிமுதல் செய்யப்பட்டது.

விருதுநகர் மாவட்டம் அருப்புகோட்டையில் கல்லூரி மாணவிகளை பேராசிரியர் நிர்மலா தேவி, பல்கலைக்கழகத்தில் உயர திகாரி களுடன் படுக்கையை பகிர்ந்து கொள்ள வற்புறுத்துவது மற்றும் தவறாக வழிநடத்துவது தொடர்பான ஆடியோ கடந்த சில நாட்களுக்கு முன்பு வெளியானது.இந்த ஆடியோ காட்சி மாநிலத்தில் பெரும் அதிர்வலைகளை ஏற்படுத்தியது. பெற்றோர்களும், பல்வேறு அமைப்புகளும் கண்டனம் தெரிவித்ததை தொடர்ந்து, கல்வித்துறை அளித்த புகாரின் பேரில் சம்பந்தப்பட்ட ஆசிரியர் நிர்மலாதேவியை போலீசார் கைது செய்தனர்.

இந்நிலையில் அருப்புக்கோட்டை அனைத்து மகளிர் காவல் நிலையத்தில் பேராசிரியை நிர்மலாதேவியிடம் இருந்து 3 செல்போன்கள் பறிமுதல் செய்யப்பட்டது. பறிமுதல் செய்யப்பட்ட செல்போன் தகவல்கள் விருதுநகர் மாவட்ட கண்காணிப்பாளர் அலுவலகத்தில் ஆய்வு செய்யப்படுகிறது.