» செய்திகள் - விளையாட்டு » தமிழகம்

சென்னையில் டாஸ்மாக் கடையை அகற்ற போராட்டம்: ஒரே இடத்தில் திரண்ட அனைத்துக் கட்சியினர்

வியாழன் 12, ஜூலை 2018 3:47:41 PM (IST)

சென்னையில் டாஸ்மாக் கடையை அகற்றக்கோரி  திமுக, அதிமுக, காங்கிரஸ், பாஜக, கம்யூனிஸ்ட் என எதிர் எதிர் துருவங்கள் ஒன்றிணைந்து ஒரே இடத்தில் போராட்டத்தில் ஈடுபட்டனர்.

தமிழகத்தில் டாஸ்மாக் கடைகளை அகற்ற நடந்த போராட்டம் கடந்த சில ஆண்டுகளில் மிகப்பெரும் மக்கள் எழுச்சி போராட்டம் என்றால் மிகையாகாது. அரசுக்கு எதிராக பெண்கள் ஆவேசமாக களத்தில் குதித்து டாஸ்மாக் கடைகளை அடித்து நொறுக்கி தங்கள் ஆவேசத்தை காட்டியதால் பல இடங்களில் டாஸ்மாக் கடைகள் அகற்றப்பட்டது. பள்ளிகள், கோவில்கள், கிளீனிக்குகள் கூட குறைவாக இருக்கும், டாஸ்மாக் கடைகள் இல்லாத இடமே இல்லை எனும் அளவில் தெருதோறும் பெட்டிக்கடைகள் போல் டாஸ்பாக் கடைகளை நிறுவியது அரசு. ஒரு தலைமுறையே மதுவால் சீரழிவதைக்கண்ட பெண்கள் விழித்துக்கொண்டனர்.

தங்கள் பகுதியில் உள்ள டாஸ்மாக் கடைகளை அகற்ற போராட்டத்தில் குதித்தனர். மதுவுக்கு எதிராக அரசியல்கட்சிகள் போராட்டத்தில் குதித்தன. பாமக சார்பில் தொடரப்பட்ட வழக்கில் நெடுஞ்சாலைகளில் உள்ள மதுக்கடைகளை அகற்ற உச்சநீதிமன்றம் உத்தரவிட்டது.இந்நிலையில் மூடப்பட்ட மதுக்கடைகளுக்கு இணையாக மக்கள் வசிக்கும் பகுதிகளில் மதுக்கடைகளை நிறுவ டாஸ்மாக் நிர்வாகம் முயன்றது. இதை பொதுமக்கள் ஆங்காங்கே எதிர்ப்புத்தெரிவித்து முறியடித்து வருகின்றனர். இந்நிலையில்

சென்னை சிந்தாதரிபேட்டையில் உள்ள சாமி நாயக்கன் தெருவில் புதியதாக டாஸ்மாக் கடை திறக்க உள்ளதாக தகவல் வந்ததை அடுத்து அங்குள்ள பொதுமக்கள் சமூக ஆர்வலர்கள் மற்றும் அனைத்து கட்சியினர் அந்த கடையின் இன்று காலை ஒன்று கூடினர். கடைமுன் ஆர்பாட்டம் நடத்தினர். இந்த ஆர்பாட்டத்தில் திமுக, அதிமுக, காங்கிரஸ், பாஜக உள்ளிட்ட அனைத்துக் கட்சியினரும் ஒன்றாக அரசுக்கு எதிராக ஆர்ப்பாட்டத்தில் ஈடுபட்டனர். டாஸ்மாக் கடையை அகற்றவேண்டும் என பொதுமக்களுடன் சேர்ந்து வியாபாரிகள் மற்றும் அனைத்து கட்சியினரும் சாமி நாயக்கன் தெருமுனையில் முற்றுகையிட்டு போராட்டம் நடத்தினர். இதனால் அப்பகுதியில் போக்குவரத்து பாதிக்கப்பட்டது. முடிவில் கடை திறப்பதை கைவிடுவதாக டாஸ்மாக் நிர்வாகம் அறிவித்தது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Sterlite Industries (I) Ltd





Tirunelveli Business Directory