திருநெல்வேலி, கன்னியாகுமரி உட்பட 6 மாவட்டங்களில் கனமழைக்கு வாய்ப்பு : வானிலைமையம்

திருநெல்வேலி, கன்னியாகுமரி, நீலகிரி, கோவை, தேனி மற்றும் திண்டுக்கல் மாவட்டங்களில் மிக கனமழைக்கு வாய்ப்பு உள்ளதாக சென்னை வானிலை மையம் அறிவித்துள்ளது.

தமிழகத்தில் நேற்று முதல் சென்னை, கன்னியாகுமரி, திருநெல்வேலி, துாத்துக்குடியில் கனமழை பெய்தது. இதில் கன்னியாகுமரி, திருநெல்வேலியில் கனமழையால் வெள்ளப்பெருக்கு ஏற்பட்டுள்ளது. இதில் சென்னை வானிலைமையம் வெளியிட்ட அறிவிப்பில் கூறியுள்ளதாவது, வடமேற்கு வங்கக்கடல் பகுதியில் ஏற்பட்ட குறைந்த காற்றழுத்த தாழ்வுப்பகுதி, வலுப்பெற்று காற்றழுத்த தாழ்வு மண்டலமாக நீடித்து வருகிறது. தமிழகத்தில் திருநெல்வேலி, கன்னியாகுமரி, நீலகிரி, கோவை, தேனி மற்றும் திண்டுக்கல் மாவட்டங்களில் மிக கனமழைக்கு வாய்ப்பு உள்ளது.

மேலும் கோவை, நீலகிரி மற்றும் தேனி மாவட்டங்களில் 2 நாட்களுக்கு மிக கனமழை பெய்யும். வடக்கு ஆந்திரா, வடக்கு வங்கக்கடல் பகுதிகளுக்கு அடுத்த 24 மணி நேரத்திற்கு மீன்பிடிக்க செல்ல வேண்டாம். தலைநகர் சென்னையில் இடைவெளிவிட்டு மிதமான மழை பெய்யும் என வானிலை ஆய்வு மையம் அறிவித்துள்ளது.