வேளாண் சட்டங்களுக்கு இடைக்கால தடை: உச்ச நீதிமன்றத்தின் தீர்ப்புக்கு ஸ்டாலின் வரவேற்பு!!

மூன்று வேளாண் சட்டங்களுக்கு இடைக்கால தடை விதித்த உச்சநீதிமன்றத்தின் தீர்ப்பு வரவேற்கத்தக்கது என திமுக தலைவர் ஸ்டாலின் தெரிவித்துள்ளார்.

இது தொடர்பாக அவர் தனது ட்விட்டர் பதிவில் ‘‘திமுக உள்ளிட்ட பல்வேறு தரப்பினர் சார்பில் போடப்பட்ட வழக்கில் வேளாண் சட்டங்களுக்கு இடைக்கால தடை விதித்த உச்சநீதிமன்றத்தின் தீர்ப்பு வரவேற்கத்தக்கது. நாடு முழுவதும் போராடி வரும் விவசாயிகளுக்கு கிடைத்த வெற்றி. அடுத்த பாராளுமன்ற தொடரின்போது மத்திய அரசு இந்த சட்டங்களை திரும்ப பெற வேண்டும் என்று மீண்டும் ஒருமுறை வலியுறுத்துகிறேன்’’ எனத் தெரிவித்துள்ளார்.