பட்டபகலில் வீடுபுகுந்து பெண்ணிடம் பெண்ணிடம் நகை பறிக்க முயற்சி

தூத்துக்குடி, முள்ளகாடு பகுதியில் பீகார் மாநிலம் மந்திப்பூர் மாவட்டத்தை  சேர்ந்த மந்தோஷ் குமார்(32) என்பவர் குடியிருந்து வருகிறார், உப்பளத்தில் கூலி வேலை செய்து வருகிறார், நேற்று பகல் 1மணிக்கு  வீட்டில் அவரது மனைவி குடியா குமாரி, 3வயது மகனுடன் தனியாக வீட்டில் சமையல் செய்து கொண்டிருந்தார். அப்போது, வீட்டில்  சுவர் ஏறி குதித்து அத்துமீறி வீட்டிற்குள் புகுந்த மர்ம நபர் வீட்டில் இருந்த கத்தி எடுத்து குடியா குமாரியின் கழுத்தில் வைத்து நகை பணம் கேட்டு மிரட்டி உள்ளார். 

அப்போது அவர் கூச்சலிடவே மர்ம நபர் உடனடியாக அங்கே இருந்து தப்பி சென்று விட்டார். இது குறித்து தனது கணவர் மந்தோஷ்குமாருக்கு தகவல் சொன்னதும் அவர்  உடனடியாக வீட்டுக்கு திரும்பி வந்து மனைவிக்கு ஆறுதல் கூறிவிட்டு, முத்தையாபுரம் காவல் நிலையம் சென்று புகார் அளித்துள்ளார். அதன்பேரில் போலீசார் விசாரணை மேற்கொண்டு வருகின்றனர். 

சம்பவம் நடைபெற்ற பகுதியில் கடந்த சில மாதங்களாக தொடர் திருட்டு சம்பவம் நடைபெற்று வருவதாக கூறப்படுகிறது. அப்பகுதியில் 45 ஆடு, கோழிகள் திருடுபோய் உள்ளது அதேபோல கடைகளில் பூட்டு உடைக்கப்பட்டு பணம், கேமராக்கள் திருட்டு சம்பவங்களும் நடைபெற்றுள்ளது. இதில் ஈடுபட்ட நபர்கள் இதுவரை கைது செய்யப்படாத நிலையில் பட்டப்பகலில் வீடு புகுந்து கத்திமுனையில் பெண்ணிடம் மர்ம நபர்  நகை பறிக்க முயன்ற சம்பவம் பரபரப்பை ஏற்படுத்தியுள்ளது. இதுகுறித்து காவல்துறை உரிய நடவடிக்கை எடுக்க வேண்டும் என்று அப்பகுதி மக்கள் கோரிக்கை விடுத்துள்ளனர்.