» செய்திகள் - விளையாட்டு » விளையாட்டு
ஐபிஎல் போட்டிகளில் 4-வது முறையாக 600 ரன்கள்: கே.எல். ராகுல் புதிய சாதனை!
வியாழன் 26, மே 2022 3:48:18 PM (IST)

ஐபிஎல் போட்டிகளில் 4-வது முறையாக 600 ரன்கள் குவித்து கே.எல். ராகுல் புதிய சாதனை படைத்துள்ளார்.
15-வது ஐ.பி.எல். கிரிக்கெட் தொடரில் எலிமினேட்டர் சுற்றில் கே.எல். ராகுல் தலைமையிலான லக்னோ ஜெயண்டஸ் அணி, டூ பிளஸிஸ் தலைமையிலான பெங்களூர் ராயல் சேலஞ்சர்ஸ் அணியுடன் மோதியது. இந்த போட்டியில் முதலில் பேட்டிங் செய்த பெங்களூரு அணி ரஜத் படிதாரின் அதிரடி சதத்தால் 20 ஓவர்கள் முடிவில் 4 விக்கெட்டுக்கு 207 ரன்கள் குவித்தது.
208 ரன்கள் இமாலய இலக்குடன் களமிறங்கிய லக்னோ அணி 14 ரன்கள் வித்தியாசத்தில் போராடி தோல்வி அடைந்தது. அணியின் வெற்றிக்காக போராடிய கேப்டன் கே எல் ராகுல் 79 ரன்கள் எடுத்து ஆட்டமிழந்தார். இதனால் லக்னோ அணி நடப்பு ஐபிஎல் தொடரில் இருந்து வெளியேறியுள்ளது. இருப்பினும் நேற்றைய போட்டியில் 79 ரன்கள் குவித்ததன் மூலம் ராகுல் இந்த சீசனில் 600 ரன்களை கடந்துள்ளார். 15 போட்டிகளில் விளையாடிய அவர் 616 ரன்கள் குவித்துள்ளார்.
இதன் மூலம் ஐபிஎல் தொடரில் 4 சீசன்களில் 600 ரன்களுக்கு மேல் அடித்த முதல் வீரர் என்ற பெருமையை அவர் பெற்றுள்ளார். இதற்கு முன் 2021-ஆம் ஆண்டில் 626 ரன்கள், 2020-ஆம் ஆண்டில் 670 ரன்கள் மற்றும் 2018-ஆம் ஆண்டில் 659 ரன்களை கே.எல்.ராகுல் எடுத்துள்ளார். இடையில் 2019-ஆம் ஆண்டும் மட்டும் 593 ரன்கள் எடுத்து 7 ரன்கள் வித்தியாசத்தில் 600 ரன்களை தாண்டும் வாய்ப்பை நழுவ விட்டார்.இவருக்கு அடுத்தபடியாக பெங்களூரு அணியின் முன்னாள் வீரர் கிறிஸ் கெயில் 3 முறை 600 ரன்களுக்கு மேல் அடித்துள்ளார்.
மக்கள் கருத்து
மேலும் தொடரும் செய்திகள்

டிஎன்பிஎல் கிரிக்கெட்: வெற்றியுடன் துவங்கியது நெல்லை; சேப்பாக் சூப்பர் கில்லீஸ் போராடி தோல்வி!
வெள்ளி 24, ஜூன் 2022 11:39:43 AM (IST)

தினேஷ் கார்த்திக்கை அணியில் தேர்வு செய்தது ஏன்? ராகுல் திராவிட் விளக்கம்
செவ்வாய் 21, ஜூன் 2022 10:23:22 AM (IST)

இந்தியா - தென்னாப்பிரிக்கா டி-20 தொடர் சமனில் முடிந்தது!
திங்கள் 20, ஜூன் 2022 12:03:32 PM (IST)

ஒருநாள் கிரிக்கெட் போட்டியில் 498 ரன்கள் குவிப்பு: இங்கிலாந்து உலக சாதனை!
சனி 18, ஜூன் 2022 12:08:09 PM (IST)

தினேஷ் கார்த்திக், அவேஷ் கான் அபாரம்: 4வது டி-20யில் தென் ஆப்பிரிக்காவை வென்றது இந்தியா!
சனி 18, ஜூன் 2022 10:25:53 AM (IST)

அயர்லாந்து டி20 தொடருக்கான இந்திய அணி அறிவிப்பு: ஹார்திக் பாண்டியா கேப்டன்
வியாழன் 16, ஜூன் 2022 10:39:22 AM (IST)
