இந்திய கிரிக்கெட் அணியின் புதிய ஜெர்சியில் தினேஷ் கார்த்திக்!!

இந்திய கிரிக்கெட் அணியின் புதிய ஜெர்சியை அணிந்திருக்கும் புகைப்படத்தை சமூக வலைதள பக்கத்தில் பகிர்ந்துள்ளார் விக்கெட் கீப்பர் பேட்ஸ்மேனான தினேஷ் கார்த்திக். 

37 வயதான தினேஷ் கார்த்திக் இந்திய அணியில் பெரிய இடைவேளைக்கு பிறகு மீண்டும் திரும்பியுள்ளார். இந்த முறை தொடர்ச்சியாக பல்வேறு டி20 தொடர்களுக்கான இந்திய அணியில் அவர் தவறாமல் இடம்பெற்று இருந்தார். அதன் பலனாக அடுத்த மாதம் தொடங்க உள்ள டி20 உலகக் கோப்பை தொடருக்கான இந்திய அணியிலும் அவர் இடம் பெற்றுள்ளார்.

இந்நிலையில், இந்திய அணியின் புதிய வெளிர் நீல வண்ணத்திலான ஜெர்சி நேற்று வெளியிடப்பட்டது. அதையடுத்து இந்தியா - ஆஸ்திரேலியா அணிகள் இடையிலான தொடரில் இடம்பெற்றுள்ள இந்திய வீரர்கள் அனைவரும் அந்த ஜெர்சியை அணிந்து கொண்டு புகைப்படம் எடுத்துக் கொண்டனர். தினேஷ் கார்த்திக்கும் புதிய ஜெர்சி அணிந்து கொண்டு போட்டோ எடுத்துக் கொண்டார். அதை தான் இப்போது அவர் பகிர்ந்துள்ளார்.  அதற்கு லைக்குகள் குவிந்த வண்ணம் உள்ளன.