எஸ்.பி.பாலசுப்ரமணியம் உடல்நிலை சீராக உள்ளது : எஸ்பிபி. சரண்

எஸ்.பி.பாலசுப்ரமணியம் உடல்நிலை சீராக உள்ளது என அவரது எஸ்பிபி. சரண் தெரிவித்துள்ளார். 

கரோனா அறிகுறிகளுடன் சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்ட பிரபல பின்னணி பாடகர் எஸ்.பி. பாலசுப்ரமணியம் உடல்நிலை கவலைக்கிடமாக இருப்பதாக மருத்துவமனை நிர்வாகம் அறிக்கை வெளியிட்டது. மேலும் தீவிர சிகிச்சைப் பிரிவில் அனுமதிக்கப்பட்டுள்ளார் என்றும் கூறினார்கள்.

பாடகர் எஸ்.பி.பாலசுப்ரமணியம் உடல் நலம் பெற வேண்டும் என்று சினிமா பிரபலங்கள் முதல் ரசிகர்கள் வரை என பலரும் பிரார்த்தனை செய்வதாக சமூக வலைத்தளங்களில் பதிவு செய்து வருகிறார்கள். அதன்பின்னர், எஸ்.பி.பாலசுப்ரமணியத்தின் உடல் நிலை சீராக இருப்பதாக மருத்துவமனை நேற்று அறிக்கை வெளியிட்டுள்ளது. இந்நிலையில், மயக்கநிலையில் இருந்த எஸ் பாலசுப்ரமணியத்திற்கு நினைவு வந்திருப்பதாகவும், மருத்துவர்களிடம் கையசைத்தார் என்றும் அவரது மகன் சரண் தெரிவித்துள்ளார்.