» சினிமா » செய்திகள்

பிக் பாஸ் புகழ் அனிதா சம்பத்தின் தந்தை காலமானார்

செவ்வாய் 29, டிசம்பர் 2020 3:29:01 PM (IST)

பிக் பாஸ் புகழ் தொலைக்காட்சித் தொகுப்பாளர் அனிதா சம்பத்தின் தந்தை ஆர்.சி. சம்பத் காலமாகியுள்ளார். அவருக்கு வயது 62. 

செய்தி வாசிப்பாளரும் தொலைக் காட்சித் தொகுப்பாளருமான அனிதா சம்பத், பிக் பாஸ் 4 நிகழ்ச்சியில் கலந்து கொண்டார். கடந்த வாரம் குறைந்த வாக்குகளைப் பெற்றதால் நிகழ்ச்சியிலிருந்து வெளியேற்றப்பட்டார். இந்நிலையில் அனிதா சம்பத்தின் தந்தை ஆர்.சி. சம்பத் காலமாகியுள்ளார். பத்திரிகையாளரும் எழுத்தாளருமான ஆர்.சி. சம்பத், தனது மகனுடன் சீரடி சென்று சென்னைக்கு ரயிலில் திரும்பும்போது உடல்நலக்குறைவால் மரணமடைந்துள்ளார். 

தந்தையின் மறைவு குறித்து இன்ஸ்டகிராமில் அனிதா சம்பத் தெரிவித்ததாவது:என் தந்தை உயிருடன் இல்லை என்பதை என்னால் நம்ப முடியவில்லை. பிக் பாஸ் நிகழ்ச்சிக்காகத் தனிமைப்படுத்துவதற்கு முன்பு அவரைக் கடைசியாகச் சந்தித்தேன். பிக் பாஸிலிருந்து வீட்டுக்குத் திரும்பியபோது அவர் சீரடிக்குச் சென்றிருந்தார். அவருடைய போனில் தொடர்பு கொள்ள முடியாததால் நான் பேசவும் இல்லை. இன்று காலை 8 மணிக்கு இந்த அதிர்ச்சியான தகவல் கிடைத்தது. சீரடியிலிருந்து திரும்பும்போது ஆந்திராவின் அருகே ரயிலில் உயிரிழந்துள்ளார். 

அப்பா நீ வீட்டுக்கு நடந்து வர வேண்டும். உங்களிடம் நிறைய பேச வேண்டும். உங்கள் குரல் கேட்டு 100 நாள்கள் ஆகிவிட்டன. வயது மூப்பு காரணமாக மரணமடைந்துள்ளார். கடந்த இரு தினங்களாக அவரால் சாப்பிட முடியாமல் போனது. மாரடைப்பால் உயிரிழக்கவில்லை.தெரிந்திருந்தால் முன்பே (பிக் பாஸ் நிகழ்ச்சியிலிருந்து) வெளியேறி அப்பாவுடன் சிறிது நாள் இருந்திருப்பேன். என் அப்பா இனி திரும்ப வரமாட்டார். இந்த வாரம் பிக் பாஸ் நிகழ்ச்சியில் நான் காப்பாற்றப்பட்டிருந்தால் என்னால் கடைசியில் கூட அப்பாவைப் பார்த்திருக்க முடியாது. வாழ்க்கை ஊகிக்க முடியாதது என்று கூறியுள்ளார்.  


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads



Tirunelveli Business Directory