» சினிமா » செய்திகள்
முதன் முறையாக விஜய் சேதுபதி - சந்தானம் படங்கள் மோதல்!
சனி 21, ஆகஸ்ட் 2021 12:07:51 PM (IST)
விஜய் சேதுபதியின் துக்ளக் தர்பார் - சந்தானம் நடித்துள்ள டிக்கிலோனா படங்கள் ஒரே நாளில் ரிலீஸ் ஆகிறது.
சினிமா துறையில் எப்போதும் இரண்டு முக்கிய நடிகர்களின் படங்கள் ஒரே நாளில் வெளியானால் பெரிய எதிர்ப்பார்ப்பு ஏற்படும் இதில் எந்த படம் ஹிட்டாகும் எந்த படம் ப்ளாப் ஆகும் என பெரிதும் எதிர்ப்பார்க்கப்படும். ஆனால், சமீப காலமாக கொரோனா காரணமாக தியேட்டர்கள் திறக்கப்படமால் இருப்பதால் இது போன்ற ரிலீஸுகளுக்கு வாய்ப்பு கிடைக்கவே இல்லை. ஆனால், இப்போது முதல் முறையாக விஜய் சேதுபதி படத்தோடு சந்தானத்தின் படம் ஒரே நாளில் வெளியாகவுள்ளது.
சந்தானம் 3 கெட்டப்களில் நடித்திருக்கும் ‘டிக்கிலோனா’ படம் வரும் செப்டம்பர் 10ஆம் தேதி வெளியாகவுள்ளது. இதே தேதியில் விஜய் சேதுபதி நடித்திருக்கும் ‘துக்ளக் தர்பார்’ படம் ரிலீஸாக உள்ளது. இதில் டிக்கிலோனா படம் ஜீ5 தளத்தில் வெளியாவது உறுதியாகியுள்ளது, துக்ளக் தர்பார் படம் அதே தேதியில் நேரடியாக சன் டிவியில் வெளியாக இருப்பதாக பரவலாக பேசப்படுகிறது. இதில் எந்த படம் நல்ல விமர்சனத்தை பெறும் என்கிற எதிர்ப்பார்ப்பு தற்போது நிலவிவருகிறது.