குட்டையில் கார் கவிழ்ந்து விபத்து: பிரபல நடிகை- காதலன் பலி!

கோவா அருகே குட்டையில் கார் கவிழ்ந்து விபத்துக்குள்ளானதில் பிரபல நடிகையும் அவரது காதலரும் உயிரிழந்தனர். 

பிரபல ஹிந்தி நடிகை ஈஸ்வரி தேஷ்பாண்டே. இவர் தனது காதலருடன் மும்பையில் இருந்து காரில் சென்றுள்ளனர். அங்கு சில நாட்கள் தங்கிவிட்டு, நேற்று முன்தினம் மும்பை திரும்பியுள்ளனர். கோவாவின் அர்போரா என்ற பகுதியில் சாலையில் அவர்கள் சென்று கொண்டிருந்தபோது  கட்டுப்பாட்டை இழந்த கார்  சாலையோர குட்டையில் விழுந்தது. அந்த குட்டையில் அதிக அளவு தண்ணீர் இருந்ததால், காருக்குள் இருந்த நடிகை ஈஸ்வரி மற்றும் காதலன் இருவரும் வெளிவர முடியாமல் மூச்சுத் திணறி உயிரிழந்தனர்.