சிவகார்த்திகேயனின் ‘மாவீரன்’ படப்பிடிப்பு பூஜையுடன் தொடங்கியது!

சிவகார்த்திகேயன் நடிக்கும் 'மாவீரன்' படத்தின் படப்பிடிப்பு பூஜையுடன் இன்று தொடங்கியது.

'மண்டேலா' பட இயக்குநர் மடோனா அஸ்வின் இயக்கும் புதிய படம் 'மாவீரன்'. இப்படத்தில் நடிகர் சிவகார்த்திகேயன் நாயகனாக நடிக்கிறார். படத்தில் நாயகியாக அதிதி சங்கர் நடிக்கிறார். மேலும், யோகிபாபு, மிஷ்கின் நடிக்க உள்ளதாக தகவல் வெளியாகியுள்ளது.  'டான்' படத்திற்கு பிறகு அவரது நடிப்பில் 'பிரின்ஸ்' திரைப்படம் ரிலீஸுக்காக தயாராக இருக்கிறது. இப்படத்திற்கு 'ஆடை', 'மண்டேலா' ஆகிய படங்களுக்கு இசையமைத்த பரத் ஷங்கர் இசையமைக்கிறார்.

இப்படம் தமிழ், தெலுங்கு மொழிகளில் பைலிங்குவல் படமாக உருவாகி வருகிறது. தெலுங்கில் இந்தப் படத்திற்கு ‘மாவீருடு’ என தலைப்பிடப்பட்டுள்ளது. சிவகார்த்திகேயனின் மற்றுமொரு படமான ‘பிரின்ஸ்’ படத்தின் இணை தயாரிப்பாளரான அருண் விஸ்வா இந்தப் படத்தைத் தயாரிக்கிறார். இந்நிலையில், படத்தின் படப்பிடிப்பு பூஜையுடன் தொடங்கியுள்ளது. இந்நிகழ்வில் இயக்குநர் ஷங்கர் கலந்துகொண்டார். படம் அடுத்த ஆண்டு தொடக்கத்தில் திரைக்கு வரும் என கூறப்படுகிறது.