தமிழர்களின் இசை அடையாளம் இளையராஜா : சீமான் புகழாரம்

» சினிமா » செய்திகள்

தமிழர்களின் இசை அடையாளம் இளையராஜா : சீமான் புகழாரம்

சனி 3, ஜூன் 2023 4:34:16 PM (IST)

தமிழர்களின் இசை அடையாளம் இளையராஜா என நாம் தமிழர் கட்சி தலைமை ஒருங்கிணைப்பாளர் சீமான் புகழாரம் சூட்டியுள்ளார்.

இளையராஜாவின் 80வது பிறந்த நாளை முன்னிட்டு அவர் வெளியிட்ட வாழ்த்துச் செய்தியில்,

"பண்ணைபுரம் தந்த பைந்தமிழ்ப் பாட்டிசை மேதை!

காலத்தைக் கடந்து நிற்கும் காவியப் பாடல்களை உயிர்ப்பிக்கும் தங்கத் தமிழிசையின் தாயகம்!

உலகம் தழுவி தமிழினத்தின் முகவரியைத் தனது தேனிசைக் கரங்களால், தன் ராக வரிகளால் பொறித்த இந்நூற்றாண்டின் ஈடு இணையற்ற இசை அரசன்!

ஒவ்வொரு தமிழனின் உள்ளும் புறமும் நிரம்பி வாழ்வின் ஒவ்வொரு நொடியிலும் ததும்பி கொண்டே இருக்கும் வற்றாத இசை ஊற்று!

உலகத்தில் எந்த மூலையில் வாழ்ந்தாலும் மண் மணம் மாறாத தன் மங்கா இசையால் தமிழர்களின் நினைவுகளை மீட்டி, தாய் நிலத்தின் கனவுகளை ஊட்டி ஆற்றுப்படுத்தும்

அன்னைத் தமிழின் இசைக் கருவறை!

தரணியில் எம் தமிழ் தங்கும் வரை,

உலவுகின்ற காற்று இந்த உலகத்தில் உள்ளவரை,

காதுள்ள மனிதர்கள் இந்த பூமியில் பிறக்கும் வரை,

எம் மண்ணின் ஈடு இணையற்ற இசைக் கலைஞன் இசைஞானி இளையராஜா இருந்து கொண்டே இருப்பார்.

தமிழர்களின் இசை அடையாளம்!

எல்லைகள் அற்ற இசைமேதை இளையராஜா அவர்களின் பிறந்த நாளில் ஐயாவை வாழ்த்தி வணங்குவதில் பெருமகிழ்ச்சி அடைகிறேன்.. இவ்வாறு அறிக்கையில்சீமான் கூறியுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தமிழர்களின் இசை அடையாளம் இளையராஜா : சீமான் புகழாரம்

» சினிமா » செய்திகள்