தூத்துக்குடி பஸ் நிலையத்தில் போதை வாலிபர்கள் அட்டகாசம் - பொதுமக்கள் கடும் அவதி!

தூத்துக்குடியில் ஸ்மார்ட் சிட்டி திட்டத்தின் கீழ் அண்ணா பேருந்து நிலையம் விரிவாக்கம் செய்யப்பட்டு செயல்பட்டு வருகிறது. இங்கு செயல்படும் கடைகள் ஒருபுறம் ஆக்கிரமிப்பு செய்து பொதுமக்கள் செல்ல முடியாத சூழ்நிலைதான் நிலவி வருகிறது. மறுபுறம் தினமும் மது போதையில் பேருந்து நிலையத்தில் அமர்ந்து கொண்டு பேருந்துக்கு செல்ல வரும் பொதுமக்கள் செல்வதற்கு மிகவும் சிரமப்படும் சூழ்நிலை தொடர்ந்து நிலவு வருகிறது.

இந்நிலையில் இன்று மது போதையில் 2பேர் பேருந்து நிலையத்தில் படுத்து கிடப்பதும், எழுந்து நடமாடி. சண்டை போட்டுக் கொண்டு பொதுமக்களுக்கு இடையூறு ஏற்படும் வகையில் செயல்பட்டுள்ளனர். இதனால் பொதுமக்கள் மிகவும் சிரமப்பட்டனர். குறிப்பாக பெண்கள் அச்சம் அடைந்தனர். போதை ஆசாமிகளால் ஆட்டம் முடியும் வரை காவல்துறை பேருந்து நிலையத்துக்கு வரவே இல்லை. பேருந்து நிலையத்தில் பாதுகாப்பு பணியில் இருக்கும் பாதுகாவலரும் இதனை கண்டு கொள்ளவே இல்லை என்று கூறப்படுகிறது. 

இது போல போதை ஆசாமிகளால் அண்ணா பேருந்து நிலையம் தினசரி பொதுமக்களுக்கு இடையூறு தான் ஏற்படுகிறது. ஆகையால் உடனடியாக மாநகராட்சி நிர்வாகம் இதற்கு உடனடியாக நிரந்தர தீர்வு காண வேண்டும். மேலும்  புறக்காவல் நிலையத்தை செயல்பாட்டிற்கு கொண்டு வரவேண்டும் என்று பொதுமக்கள் கோரிக்கை விடுத்துள்ளனர்.