குரூஸ் பர்னாந்து பிறந்த நாள்: அமைச்சர் அனிதா ஆர்.ராதாகிருஷ்ணன் மரியாதை

தூத்துக்குடியில் ராவ் பகதூர் குரூஸ் பர்னாந்து பிறந்த நாளை முன்னிட்டு தமிழக அரசின் சார்பில் அவரது சிலைக்கு அமைச்சர் அனிதா ஆர்.ராதாகிருஷ்ணன் மாலை அணிவித்து மரியாதை செலுத்தினார். 

ராவ் பகதூர் குரூஸ் பர்னாந்திஸ் 155வது பிறந்த நாளை முன்னிட்டு இன்று 15.11.24 தூத்துக்குடி மாநகராட்சி எம்.ஜி.ஆர் பூங்கா அருகில் அமைந்துள்ள மணிமண்டபத்தில் உள்ள திருவுருவச் சிலைக்கு தமிழ்நாடு அரசின் சார்பில் மீன்வளம்-மீனவர் நலன் மற்றும் கால்நடை பராமரிப்புத்துறை அமைச்சர் அனிதா ஆர்.ராதாகிருஷ்ணன், மாவட்ட ஆட்சித்தலைவர் க.இளம்பகவத், மேயர் பெ.ஜெகன், ஒட்டப்பிடாரம் சட்டமன்ற உறுப்பினர் எம்.சி. சண்முகையா, துணை மேயர் செ.ஜெனிட்டா, ஆகியோர் மாலை அணிவித்து மரியாதை செலுத்தினர். இந்நிகழ்வில் உள்ளாட்சி அமைப்புகளின் பிரதிநிதிகள், பொதுமக்கள் உட்பட பலர் கலந்து கொண்டனர்.