திருநெல்வேலி அடுத்த தாழையூத்து காவல் நிலையப் உறுப்பினர்கள் நேற்று முன்தினம் அதிகாலையில் தாழையூத்து 9-வது பேருந்து நிறுத்தம் பகுதியில் தீவிர வாகன சோதனையில் ஈடுபட்டிருந்தனர். அப்போது, தாழையூத்து - ராஜவல்லிபுரம் ரயில்வே பீடர் சாலையில் உள்ள உணவகம் அருகே 3 பேர் கொண்ட கும்பல், அவ்வழியாக வாகனங்களில் செல்வழிகளை வழிமறித்துப் பணம் பறிப்பதாகக் காவல்துறையினருக்கு தகவல் கிடைத்தது.
இதையடுத்து ஏட்டு விஸ்வநாதன் தலைமையிலான காவல்துறையினர் உடனடியாகச் சம்பவ இடத்திற்கு விரைந்து சென்றனர். அங்கு ராஜவல்லிபுரம் பேச்சியம்மன் கோவில் தெருவைச் சேர்ந்த சரித்திர பதிவேடு குற்றவாளியான ரவுடி பொன்மணி (27), அவரது கூட்டாளிகளான சுரேஷ் (எ) பெரிய சூசை மற்றும் மானூர் மாவடியைச் சேர்ந்த முத்துக்குமார் (எ) கொம்பையா (26) ஆகிய 3 பேரும் பொதுமக்களிடம் மிரட்டிப் பணம் பறித்துக் கொண்டிருந்தது தெரியவந்தது.
இதையடுத்து, வழிப்பறியைத் தடுத்து அவர்களைப் பிடிக்க முயன்றபோது ஆத்திரமடைந்த அக்கும்பல், காவல் ஏட்டு விஸ்வநாதனைச் சரமாரியாக அடித்து உதைத்துத் தாக்கிவிட்டுத் தப்பிச் சென்றது. பெரும் பரபரப்பை ஏற்படுத்திய இச்சம்பவம் குறித்துத் தாழையூத்து காவல் துறையினர் வழக்குப் பதிவு செய்து தீவிர விசாரணை நடத்தினர்.
தொடர்ந்து நடத்தப்பட்ட அதிரடி வேட்டையில் ரவுடி பொன்மணி மற்றும் முத்துக்குமார் (எ) கொம்பையா ஆகிய இருவரையும் போலீசார் கைது செய்து சிறையில் அடைத்தனர். மேலும், தலைமறைவாக உள்ள சுரேஷ் (எ) பெரிய சூசையைத் தீவிரமாகத் தேடி வருகின்றனர்.