மாலத்தீவு கடலோரக் காவற்படையினரால் கைது செய்யப்பட்டுள்ள தூத்துக்குடி மாவட்டத்தைச் சேர்ந்த 25 மீனவர்களை விடுவிக்கவும், அவர்களின் 3 விசைப்படகுகளை மீட்கவும் மத்திய வெளியுறவுத் துறை அமைச்சருக்கு முதல்வர் விஜய் கடிதம் எழுதியுள்ளார்.
கடிதத்தில் தெரிவிக்கப்பட்டுள்ள முக்கிய விவரங்கள்: தூத்துக்குடி மாவட்டத்தைச் சேர்ந்த 25 மீனவர்கள், தாங்கள் பயன்படுத்திய மூன்று மீன்பிடி விசைப்படகுகளுடன் கடந்த அக்டோபர் 13-ம் தேதி அதிகாலையில் மாலத்தீவு கடலோரக் காவற்படையினரால் கைது செய்யப்பட்டுள்ளனர்.
இவ்விவகாரத்தில் மத்திய வெளியுறவுத் துறை அமைச்சர் உடனடியாகத் தலையிட்டுத் தக்க நடவடிக்கைகளை மேற்கொள்ள வேண்டும். மாலத்தீவு அரசுடன் தூதரகத்தின் வாயிலாகத் தீவிரப் பேச்சுவார்த்தை நடத்தி, கைது செய்யப்பட்டுள்ள அனைத்து மீனவர்களையும் விரைந்து விடுவிக்கவும், அவர்களது மீன்பிடி விசைப்படகுகளை உடனடியாக மீட்டுத் தரவும் நடவடிக்கை எடுக்க வேண்டும்.
மேலும், மீனவர்கள் அனைவரும் எந்தவிதப் பாதிப்புமின்றிப் பாதுகாப்பாகத் தாயகம் திரும்புவதை உறுதி செய்ய வேண்டும். மத்திய வெளியுறவுத் துறை அமைச்சரின் இந்த உடனடித் தலையீடு, பாதிக்கப்பட்ட மீனவர்களின் குடும்பத்தினருக்கும் மற்றும் ஒட்டுமொத்த மீனவ சமூகத்திற்கும் மிகுந்த நம்பிக்கையையும் ஆறுதலையும் அளிக்கும் என்று முதல்வர் விஜய் தனது கடிதத்தில் குறிப்பிட்டுள்ளார்.