» செய்திகள் - விளையாட்டு » உலகம்

ட்ரம்ப் விதித்த 10% இறக்குமதி வரி செல்லாது: அமெரிக்க வர்த்தக நீதிமன்றம் தீர்ப்பு

சனி 9, மே 2026 10:30:31 AM (IST)

உலக நாடு​களி​லிருந்து இறக்குமதி செய்​யப்​படும் பொருட்​களுக்கு அதிபர் ட்ரம்ப் விதித்த 10 சதவீத கூடு​தல் வரி செல்​லாது என்று அமெரிக்க சர்​வ​தேச வர்த்தக நீதி​மன்​றம் தீர்ப்பளித்​துள்​ளது.

அதிபர் ட்ரம்ப் நிர்​வாகம் கடந்த பிப்​ர​வரி மாதம் பெரும்​பாலான இறக்​கும​திப் பொருட்​களுக்கு 10 சதவீத வரியை விதித்​தது. இதை எதிர்த்து 24 மாகாணங்​களும், சில தனி​யார் நிறு​வனங்​களும் கடந்த மார்ச் மாதம் வழக்​குத் தொடர்ந்​தன. இந்த வழக்கை விசாரித்த மூன்று நீதிப​தி​கள் கொண்ட அமர்​வு, 2-1 என்ற கணக்கில் ட்ரம்ப் நிர்​வாகத்​தின் நடவடிக்கை சட்​ட​விரோத​மானது என்று தீர்ப்​பளித்​தது.

இது தொடர்​பாக 53 பக்​கங்​கள் கொண்ட தீர்ப்​பில் நீதிப​தி​கள் கூறியுள்​ள​தாவது: 1974-ம் ஆண்​டின் வர்த்​தகச் சட்​டத்​தின் 122-வது பிரிவைப் பயன்​படுத்தி இந்த வரி விதிக்​கப்​பட்​டுள்​ளது. நாட்​டின் வர்த்​தகக் கொடுப்​பனவு நிலை​யில் (பேலன்ஸ் ஆப் பேமண்ட்) பெரும் பற்​றாக்​குறை நில​வும் போது மட்​டுமே, 150 நாட்​களுக்கு இத்​தகைய வரியை விதிக்க அதிபருக்கு அதி​காரம் உண்​டு. 

ஆனால், ட்ரம்ப் நிர்​வாகம் வர்த்​தகப் பற்​றாக்​குறையை மட்​டுமே காரண​மாகக் காட்டி இந்த வரி விதிப்பை செயல்​படுத்​தி​யுள்​ளது. இது சட்​டப்​படி செல்​லாது. இந்த வரி விதிப்​பால் மனுதாரர்களுக்குப் பொருளா​தார ரீதி​யாகப் பாதிப்பு ஏற்பட்டுள்ளது. எனவே, வழக்கு தொடர்ந்த மாகாணம் மற்​றும் இரு நிறு​வனங்​களிடம் வசூலிக்​கப்​பட்ட வரியை வட்​டி​யுடன் திரும்ப வழங்க வேண்​டும். இவ்​வாறு நீதிப​தி​கள் தங்​களது தீர்ப்​பில் கூறியுள்​ளனர்.

இதுகுறித்து அதிபர் ட்ரம்ப் கூறும்போது, ‘‘நீ​தி​மன்​றங்​களின் இத்தகைய தீர்ப்​பு​கள் எனக்கு ஆச்​சரி​யம் அளிக்​க​வில்​லை. தீர்ப்பு வழங்​கிய நீதிப​தி​கள் இடது​சாரி சிந்​தனை கொண்​ட​வர்​கள். ஒரு வழி​யில் தடை ஏற்​பட்​டால், நாங்​கள் மாற்று வழி​யில் வரி வி​திப்பு முறையைச்​ செயல்​படுத்​து​வோம்​’’ என்​றார்​.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads




Tirunelveli Business Directory