தூத்துக்குடி காவல் மரணம்: அரசே இல்லையோ என்ற சந்தேகம் எழுகிறது – கனிமொழி எம்பி கண்டனம்

நாகர்கோவிலைத் தொடர்ந்து தூத்துக்குடியிலும் இளைஞர் ஒருவர் காவல் நிலையச் சித்திரவதையால் உயிரிழந்த சம்பவத்திற்குக் கண்டனம் தெரிவித்து, தூத்துக்குடி மக்களவை உறுப்பினர் கனிமொழி தனது 'எக்ஸ்' (X) சமூக வலைதளப் பக்கத்தில் அறிக்கை ஒன்றை வெளியிட்டுள்ளார்.

அந்த அறிக்கையில், "நாகர்கோவிலைத் தொடர்ந்து தூத்துக்குடியிலும் காவல்துறையின் சித்திரவதைக்கு உள்ளாகி இளைஞர் ஒருவர் உயிரிழந்திருக்கும் செய்தி வேதனையளிக்கிறது. காவல்துறைக்குப் பொறுப்பு வகிக்கும் முதல்வர் விஜய் உட்படப் பல அமைச்சர்களும் அதிகாரிகளும் திரைப்படம் பார்க்க விடுப்பில் சென்றுள்ளதால், இன்றைய நாள் தமிழ்நாட்டில் 'அரசு' என்ற ஒன்று உள்ளதா என்பதே சந்தேகம்தான்! நாளை பணிக்குத் திரும்பிய பின்னாவது, இந்த காவல் மரணம் குறித்து வாய் திறக்கிறார்களா என்று பார்ப்போம்" எனத் தெரிவித்துள்ளார்.