விளாத்திகுளத்தில் விஜயகாந்த் 74 வது பிறந்தநாள் விழா

» செய்திகள் - விளையாட்டு » மாவட்ட செய்தி (திருநெல்வேலி)

விளாத்திகுளத்தில் விஜயகாந்த் 74 வது பிறந்தநாள் விழா

செவ்வாய் 25, ஆகஸ்ட் 2026 3:13:55 PM (IST)

தூத்துக்குடி மாவட்டம் விளாத்திகுளத்தில் தேசிய முற்போக்கு திராவிட கழகம் சார்பில் மறைந்த விஜயகாந்தின் 74-வது பிறந்தநாள் விழா இனிப்புகள் வழங்கியும், அன்னதானம் அளித்தும் விமரிசையாகக் கொண்டாடப்பட்டது.

விளாத்திகுளம் பேருந்து நிலையம் முன்பாக நடைபெற்ற இந்நிகழ்ச்சிக்குத் தேமுதிக மாவட்டச் செயலாளர் சுரேஷ் தலைமை தாங்கினார். அலங்கரித்து வைக்கப்பட்டிருந்த கேப்டன் விஜயகாந்தின் திருவுருவப் படத்திற்கு நிர்வாகிகள் மாலை அணிவித்து, மலர் தூவி மரியாதை செலுத்தினர். தொடர்ந்து பொதுமக்களுக்கு பிறந்தநாள் இனிப்புகள் வழங்கப்பட்டன.

இந்நிகழ்வில் மாவட்டத் துணைச் செயலாளர் ராஜபாண்டி, கிழக்கு ஒன்றியச் செயலாளர் தங்கச்சாமி, மேற்கு ஒன்றியச் செயலாளர் பொன்ராஜ், நகரச் செயலாளர் கோட்டைச்சாமி, நகர அவைத் தலைவர் மணிகண்டன், மாவட்டப் பிரதிநிதிகள் வீராச்சாமி, முரளி, ஆதிலிங்கம் மற்றும் கிளைச் செயலாளர்கள் சங்கரன், மணிகண்டன், கந்தராஜ், முருகேசன், சங்கர்கணேசன் உள்ளிட்ட பலர் கலந்துகொண்டனர்.

மேலும் மகளிர் அணி நிர்வாகி ராணி பரிமளா, கட்சி நிர்வாகிகள் மற்றும் பொதுமக்கள் எனத் திரளானோர் இதில் பங்கேற்றனர். விழாவின் நிறைவாக நூற்றுக்கும் மேற்பட்ட பொதுமக்களுக்குச் சிறப்பு உணவு வழங்கி உபசரிக்கப்பட்டது.

மக்கள் கருத்து

என்னை கேட்டால்Aug 26, 2026 - 10:40:26 AM | Posted IP 104.2*****

அம்மா உணவகத்தை கேப்டன் உணவகம் என்று மாற்றி விடலாம். குற்றவாளி பெயர் இருப்பதை காட்டிலும் இவர் பெயர் இருக்கலாம்.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

விளாத்திகுளத்தில் விஜயகாந்த் 74 வது பிறந்தநாள் விழா

» செய்திகள் - விளையாட்டு » மாவட்ட செய்தி (திருநெல்வேலி)