அகில இந்திய பத்திரிகையாளர் சங்கத்தின் தேசிய செயற்குழு கூட்டம் துவங்கியது

உத்தரகாண்ட் மாநிலத்தில் தொடங்கிய அகில இந்திய பத்திரிகையாளர் சங்கத்தின் தேசிய செயற்குழு கூட்டத்தில் மாநில துணைத் தலைவர் ஜே.நிக்சன் மறைவிற்கு இரங்கல் தெரிவிக்கப்பட்டது.

அகில இந்திய பத்திரிகையாளர் சங்கத்தின் தேசிய செயற்குழு கூட்டம் உத்தரகாண்ட் மாநிலத்தில் உள்ள டேஹராடமில் இன்று காலை துவங்கியது. முன்னதாக மறைந்த தமிழ்நாடு பத்திரிகையாளர் சங்கத்தின் மாநில துணைத் தலைவர் ஜே.நிக்சன் மறைவிற்கு இரங்கல் தெரிவிக்கப்பட்டது. அகில இந்திய தலைவர் கே.ஸ்ரீநிவாஸ் ரெட்டி தலைமையில் எஸ்.என்.சின்ஹா, டி. அமர், பல்வந்தர் சிங் ஜம்மு உட்பட பலர் கலந்து கொண்டுள்ளார்கள்.

புதியதாக நியமனம் செய்துள்ள தேசிய குழு உறுப்பினர் காயல்பட்டினம் அகமது சாஹிப்க்கு கே.ஸ்ரீநிவாஸ் ரெட்டி சால்வை அணிவித்து வாழ்த்துக்களைத் தெரிவித்தார். தமிழ்நாடு பத்திரிகையாளர் சங்கத்தின் தலைவர் மற்றும் அகில இந்திய பத்திரிகையாளர் சங்கத்தின் தேசிய செயலாளர் டி.எஸ்.ஆர்.சுபாஷ், மற்றும் மாநில பொதுச் செயலாளர் கு.வெங்கட்ராமன் ஆகியோர் தமிழகத்தின் சார்பில் கலந்து கொண்டு சிறப்பித்தனர். இரண்டு நாள் நடைபெறும் இந்நிகழ்வில் இந்தியா முழுதும் இருந்து நிர்வாகிகள் கலந்து கொண்டு சிறப்புரை ஆற்றி வருகின்றனர்.