சுசீந்திரம் தாணுமாலயசாமி கோவிலில் சித்திரை திருவிழா தேரோட்டம்

» செய்திகள் - விளையாட்டு » தமிழகம்

சுசீந்திரம் தாணுமாலயசாமி கோவிலில் சித்திரை திருவிழா தேரோட்டம் – ஆயிரக்கணக்கான பக்தர்கள் தரிசனம்!

திங்கள் 27, ஏப்ரல் 2026 9:20:33 AM (IST)

சுசீந்திரம் தாணுமாலயசாமி கோவிலில் சித்திரை தெப்பத் திருவிழாவின் 9-ஆம் நாள் நிகழ்ச்சியான தேரோட்டம் விமரிசையாக நடைபெற்றது. இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர்.

குமரி மாவட்டத்தில் பிரசித்தி பெற்ற இக்கோவிலில் சித்திரை தெப்பத் திருவிழா கடந்த 18-ஆம் தேதி கொடியேற்றத்துடன் தொடங்கியது. விழா நாட்களில் தினமும் பல்வேறு வாகனங்களில் சுவாமி வீதி உலா வரும் நிகழ்வுகள் நடைபெற்று வந்தன.

விழாவின் 9-ஆம் நாளான நேற்று காலை 7:30 மணிக்கு சுவாமியும், அம்பாளும் தட்டு வாகனத்தில் நான்கு ரத வீதிகளிலும் பவனி வந்தனர். அதனைத் தொடர்ந்து தாணுமாலய சாமிக்குச் சிறப்பு அபிஷேகங்கள் மற்றும் அலங்கார தீபாராதனைகள் நடைபெற்றன.

காலை 8:10 மணிக்கு 3 தட்டு வாகனங்களில் சுவாமி, அம்பாள், அறம் வளர்த்த நாயகி அம்மை மற்றும் விநாயகர் தனித்தனியாக எழுந்தருளி கோவிலில் இருந்து வெளியே வந்தனர். அப்போது காவல்துறையினர் துப்பாக்கி ஏந்தி அணிவகுப்பு மரியாதை செலுத்தினர்.

பின்னர், சுவாமியும் அம்பாளும் அம்மன் தேரிலும், அறம் வளர்த்த நாயகி அம்மன் சப்பர தேரிலும், விநாயகர் ஒரு தேரிலுமாக எழுந்தருளினர். தேர்களுக்குச் சிறப்புப் பூஜைகள் செய்யப்பட்டு, காலை 8:40 மணிக்குத் திருத்தேர் வடம் பிடித்து இழுக்கப்பட்டது. "ஓம் நமச்சிவாய" என்ற கோஷங்களுடன் திரளான பக்தர்கள் தேரை இழுத்தனர்.

நான்கு ரத வீதிகள் வழியாக வலம் வந்த தேர்கள், காலை 10:15 மணிக்கு வெடி முழக்கத்துடன் நிலையை வந்து அடைந்தன. அதன் பிறகு சுவாமிகளுக்குத் தீபாராதனை காண்பிக்கப்பட்டு, மீண்டும் போலீஸ் அணிவகுப்பு மரியாதையுடன் கோவிலுக்குள் எழுந்தருளினர். இந்தத் தேரோட்ட வைபவத்தில் உள்ளூர் மற்றும் அண்டை மாவட்டங்களைச் சேர்ந்த ஏராளமான பக்தர்கள் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

சுசீந்திரம் தாணுமாலயசாமி கோவிலில் சித்திரை திருவிழா தேரோட்டம் – ஆயிரக்கணக்கான பக்தர்கள் தரிசனம்!

» செய்திகள் - விளையாட்டு » தமிழகம்