» செய்திகள் - விளையாட்டு » தமிழகம்
திமுக கூட்டணி கட்சிகள் தவெக-வுக்கு ஆதரவு அளிக்காது: வைகோ திட்டவட்டம்
செவ்வாய் 5, மே 2026 5:29:47 PM (IST)
திமுக கூட்டணியில் உள்ள எந்தவொரு கட்சியும் தமிழக வெற்றிக் கழகத்திற்கு ஆதரவு அளிக்காது என மதிமுக பொதுச்செயலாளர் வைகோ நம்பிக்கை தெரிவித்துள்ளார்.
சென்னை அண்ணா அறிவாலயத்தில் திமுக தலைவர் மு.க.ஸ்டாலின்-னை சந்தித்த பின்னர், வைகோ செய்தியாளர்களைச் சந்தித்தார். அப்போது தேர்தல் முடிவுகள் மற்றும் தவெக ஆட்சியமைக்கும் முயற்சி குறித்து பல்வேறு கேள்விகளுக்கு அவர் பதிலளித்தார்.
செய்தியாளர்களிடம் வைகோ கூறியதாவது: "இந்தத் தேர்தலில் திமுகவை விட தவெக-வுக்கு அதிக இடங்களை வழங்கிய மக்கள் தீர்ப்பை மதிக்கிறோம். தவெக ஆட்சியமைக்க இன்னும் 10 எம்.எல்.ஏ-க்களின் ஆதரவு தேவைப்படுகிறது. ஆனால், எங்களிடம் அவர்கள் ஆதரவு கேட்க வரவே மாட்டார்கள். நாங்கள் மிகவும் உறுதிப்பாட்டோடு திமுக கூட்டணியில் நீடிக்கிறோம்."
தொடர்ந்து பேசிய அவர், திமுக கூட்டணியில் உள்ள எந்தவொரு கட்சியும் தவெக-வுடன் தொடர்பு வைத்திருப்பதாகத் தெரியவில்லை என்றும், யாரும் கூட்டணியை விட்டு விலகும் மனநிலையில் இல்லை என்றும் கூறினார். "திமுக கூட்டணியில் உள்ள எந்தக் கட்சியும் தவெக-வுக்கு ஒருபோதும் ஆதரவு கொடுக்க மாட்டார்கள் என்பது எனது திடமான கருத்தாகும்" என அவர் மீண்டும் வலியுறுத்தினார்.
ஜனநாயகத்தில் மக்கள் தீர்ப்பு மதிக்கப்பட வேண்டியது என்று குறிப்பிட்ட வைகோ, கடந்த திமுக ஆட்சியில் மேற்கொள்ளப்பட்ட அரும்பெரும் சாதனைகளைத் தொடர வேண்டிய கடமை புதிதாக அமையவுள்ள அரசுக்கு உள்ளது என்றும் தெரிவித்தார்.
மக்கள் கருத்து
மேலும் தொடரும் செய்திகள்
விஜய் மீது பொறாமை? ஸ்டாலினை சந்தித்தது ஏன்? விமர்சனங்களுக்கு ரஜினி விளக்கம்!
ஞாயிறு 17, மே 2026 8:10:37 PM (IST)
திருச்செந்தூர் கோயிலில் பக்தர்கள் ஆவேசம்: இரும்பு கேட்டை உடைத்து உள்ளே நுழைந்ததால் பரபரப்பு!
ஞாயிறு 17, மே 2026 7:42:28 PM (IST)
மே 10 முதல் 200 யூனிட் இலவச மின்சாரம் கணக்கீடு: ஆட்டோ-டெபிட் வசதியும் அறிமுகம்!
ஞாயிறு 17, மே 2026 11:42:15 AM (IST)
குருவாயூர் எக்ஸ்பிரஸில் நகை வியாபாரியிடம் 1½ கிலோ தங்க நகைகள் கொள்ளை!
ஞாயிறு 17, மே 2026 11:33:58 AM (IST)
காதலன் கண்முன்னே கொடூரம்: கூட்டுப் பாலியல் பலாத்காரம் செய்த 3 பேருக்கு 30 ஆண்டுகள் சிறை!
ஞாயிறு 17, மே 2026 11:04:00 AM (IST)
மக்களின் தீர்ப்பை கொச்சைப்படுத்தக் கூடாது : ஸ்ரீநாத் எம்எல்ஏ பரபரப்பு அறிக்கை!
ஞாயிறு 17, மே 2026 9:58:14 AM (IST)
தூத்துக்குடியில் வரத்து குறைவால் மீன்கள் விலை உயர்வு : ஒரு கிலோ ரூ.1,600-க்கு விற்பனை!
ஞாயிறு 17, மே 2026 8:47:41 AM (IST)
Sponsored Ads
