» செய்திகள் - விளையாட்டு » தமிழகம்
டாஸ்மாக் நிர்வாகத்தில் அதிரடி மாற்றம்: ஆண்டுக்கு ரூ.1,200 கோடி கூடுதல் வருவாய் - தமிழ்நாடு அரசு உத்தரவு!
ஞாயிறு 7, ஜூன் 2026 11:47:51 AM (IST)
தமிழ்நாட்டில் டாஸ்மாக் மதுபானப் பெட்டிகளுக்கான கட்டண வசூல் முறையில் அதிரடி மாற்றம் செய்யப்பட்டு, இதுவரை முறைசாராவாக வசூலிக்கப்பட்ட தொகை இனி நேரடியாக அரசு கணக்கில் சேர்க்கப்படும் என்று தமிழ்நாடு அரசு உத்தரவிட்டுள்ளது. இதன் மூலம் அரசுக்கு ஆண்டுக்குச் சுமார் ரூ.1,200 கோடி கூடுதல் வருவாய் கிடைக்க வழிவகை செய்யப்பட்டுள்ளது.
தமிழகத்தில் மாதந்தோறும் சராசரியாக 88 லட்சம் முதல் 90 லட்சம் வரையிலான மதுபானப் பெட்டிகள் விற்பனை செய்யப்பட்டு வருகின்றன. இந்த மதுப்பெட்டிகள் விநியோகத்தின் போது, இதுவரை பல்வேறு நிலைகளில் முறைசாராக் கட்டணங்கள் என்ற பெயரில் பல கோடி ரூபாய் வரை முறைகேடாக வசூலிக்கப்பட்டு வந்தது கண்டறியப்பட்டது.
இதனைத் தடுத்து நிறுத்தி, டாஸ்மாக் நிர்வாகத்தில் வெளிப்படைத்தன்மையைக் கொண்டு வரவும் ஊழலை ஒழிக்கவும் மதுவிலக்குத் துறை இந்த அதிரடி நடவடிக்கையை எடுத்துள்ளது. இந்தப் புதிய நடைமுறையின் மூலம் அரசு கஜானாவிற்கு மாதத்திற்குச் சுமார் ரூ.100 கோடி கூடுதல் நிதி வருவது உறுதியாகியுள்ளது.
புதிய கட்டண விபரம் (ஒரு பெட்டிக்கு):
ஹாட் வகை மதுபானப் பெட்டி (Hot Box): ரூ.90
பீர் பெட்டி (Beer Box): ரூ.40
ஒயின் பெட்டி (Wine Box): கூடுதல் கட்டணம்
இந்தக் கூடுதல் கட்டணங்கள் அனைத்தும் இனி எவ்வித முறைகேடுமின்றி நேரடியாக அரசு கணக்கிலேயே சேர்க்கப்பட உள்ளன.
717 கடைகள் மூடல் – தொடரும் சோதனைகள்:
தமிழகத்தில் முன்னதாக மொத்தம் 4,787 டாஸ்மாக் மதுபானக் கடைகள் இயங்கி வந்தன. தமிழக முதல்வராக விஜய் பொறுப்பேற்றவுடன் கல்வி நிறுவனங்கள், வழிபாட்டுத் தலங்கள் மற்றும் பேருந்து நிலையங்களிலிருந்து 500 மீட்டர் தூரத்திற்குள் இருக்கும் டாஸ்மாக் கடைகள் மற்றும் பார்களை மூட உத்தரவிட்டார்.
அதன்படி, முதற்கட்டமாக விதிமீறலில் இருந்த 717 கடைகள் அடையாளம் காணப்பட்டு அவை முழுமையாக மூடப்பட்டன. இதனைத் தொடர்ந்து, தற்போது தமிழகம் முழுவதும் எஞ்சியுள்ள அனைத்து டாஸ்மாக் கடைகளிலும் மதுவிலக்குத் துறை அதிகாரிகள் மூலம் தீவிரச் சோதனைகள் மேற்கொள்ளப்பட்டு வருகின்றன.
மக்கள் கருத்து
மேலும் தொடரும் செய்திகள்
இரவு நேரங்களில் மின்தடை ஏற்படுவது ஏன்? - மின்வாரியத்துறை தலைவர் விளக்கம்
ஞாயிறு 7, ஜூன் 2026 11:49:49 AM (IST)
தூத்துக்குடியில் பலத்த காற்றால் மீன் வரத்து குறைவு; பொதுமக்கள் ஆர்வம் – மீனவர்கள் மகிழ்ச்சி!
ஞாயிறு 7, ஜூன் 2026 9:08:16 AM (IST)
குடும்பத்தினர் கண் எதிரே கடத்தப்பட்ட கார் விற்பனை ஏஜென்ட் மீட்பு: 2 பேர் கைது!
ஞாயிறு 7, ஜூன் 2026 8:58:15 AM (IST)
ரயிலில் வந்த இளம்பெண்ணுக்குப் பாலியல் தொல்லை : கொத்தனாருக்கு தர்ம அடி கொடுத்துப் போலீசில் ஒப்படைப்பு!
ஞாயிறு 7, ஜூன் 2026 8:37:41 AM (IST)
ஜெர்மன் நிறுவனத்துடன் பசுமை எரிசக்தி வர்த்தகம் : தூத்துக்குடி வ.உ.சி துறைமுகம் புதிய சாதனை
சனி 6, ஜூன் 2026 5:40:06 PM (IST)
கொலை வழக்குகளில் சிறப்பாக பணிபுரிந்த காவல் துறையினருக்கு எஸ்பி அபிஷேக் குப்தா பாராட்டு!
சனி 6, ஜூன் 2026 4:59:13 PM (IST)
அதிமுக முன்னாள் அமைச்சர்கள் 4 பேர், முன்னாள் எம்எல்ஏக்கள் 10 பேர் தவெகவில் இணைந்தனர்!
சனி 6, ஜூன் 2026 4:08:18 PM (IST)
Sponsored Ads
