கே. சின்னத்துரை அன் கோ சார்பில் பறக்கலாம் மிதக்கலாம் மெகா சலுகை: வாடிக்கையாளர்கள் பயணம் துவக்கம்!

தமிழகத்தின் முன்னணி ஜவுளி நிறுவனமான கே. சின்னத்துரை அன் கோ ஜவுளி நிறுவனம் தங்களது வாடிக்கையாளர்களுக்காக "பறக்கலாம் மிதக்கலாம்" என்ற மெகா சலுகைத் திட்டத்தினை அறிவித்திருந்தது. இந்தத் திட்டத்தின்படி, நிறுவனத்தின் கிளைகளில் ஆடைகள் மற்றும் பொருட்கள் வாங்கும் வாடிக்கையாளர்களுக்கு விமானம் மற்றும் சொகுசுக் கப்பலில் பயணம் செய்யும் அரிய வாய்ப்பு வழங்கப்படுகிறது.

இதன் முதற்கட்டமாக, ஒட்டுமொத்த வாடிக்கையாளர்களில் இருந்து 90 பேர் சிறப்பு சொகுசுக் கப்பல் பயணத்திற்காகத் தேர்வு செய்யப்பட்டனர். தேர்வு செய்யப்பட்ட இந்த 90 வாடிக்கையாளர்களும் நேற்று இரவு தூத்துக்குடியில் உள்ள சின்னத்துரை அன் கோ ஜவுளி நிறுவன வளாகத்தில் இருந்து தனியார் சொகுசு ஆம்னி பேருந்து மூலமாகப் பயண இடத்திற்கு அழைத்துச் செல்லப்பட்டனர். இவர்கள் இன்று மாலை கடல் சுற்றுலாவிற்காகச் சிறப்புச் சொகுசுக் கப்பலில் தங்களது பயணத்தைத் தொடங்குகின்றனர்.

இதுகுறித்து ஜவுளி நிறுவன நிர்வாகத்தினர் கூறுகையில், "எங்கள் வாடிக்கையாளர்களுக்குத் தரமான ஆடைகளை வழங்குவதோடு மட்டுமல்லாமல், அவர்களது நீண்ட நாள் கனவுப் பயணத்தை நனவாக்கும் ஒரு முக்கிய முயற்சியாகவே இந்தச் சலுகையை அறிவித்துள்ளோம்" என்று தெரிவித்தனர்.

தற்போது இந்த மெகா சலுகைத் திட்டமானது தூத்துக்குடி, ஏரல், திருச்செந்தூர், திருநெல்வேலி மற்றும் சென்னை ஆகிய அனைத்துக் கிளைகளிலும் மிகச் சிறப்பாக நடைபெற்று வருகிறது. இதையொட்டி பட்டு, ஜவுளி மற்றும் தங்கம் என அனைத்துப் பிரிவுகளிலும் புதிய ரக ஆடைகளும் ஆபரணங்களும் வாடிக்கையாளர்களுக்காகக் குவிக்கப்பட்டுள்ளன. இந்தச் சுற்றுலாப் பயணத்திற்கான அனைத்து ஏற்பாடுகளையும் நிறுவன பங்குதாரர்கள் திருநாவுக்கரசு, அரிராமகிரிஷ்ணன், நமசிவாயம் உள்ளிட்டோர் சிறப்பாகச் செய்திருந்தனர்.