முதல்வர் விஜய்யிடம் விவாகரத்து கோரிய மனுவை வாபஸ் பெற்றார் சங்கீதா

» செய்திகள் - விளையாட்டு » தமிழகம்

முதல்வர் விஜய்யிடம் விவாகரத்து கோரிய மனுவை வாபஸ் பெற்றார் சங்கீதா - வழக்கு முடித்து வைப்பு!

வெள்ளி 7, ஆகஸ்ட் 2026 4:07:34 PM (IST)

தமிழ்நாடு முதலமைச்சரும், தனது கணவருமான விஜய்யிடம் விவாகரத்து கோரித் தாக்கல் செய்திருந்த மனுவை அவரது மனைவி சங்கீதா வாபஸ் பெற்றுள்ளார்.

லண்டனில் இருந்து 'வீடியோ கான்ஃபரன்ஸ்' மூலம் நீதிமன்றத்தில் ஆஜரான அவர், வழக்கைத் தொடர விருப்பமில்லை எனத் தெரிவித்ததைத் தொடர்ந்து, இவ்வழக்கைச் செங்கல்பட்டு குடும்ப நல நீதிமன்றம் முடித்து வைத்தது.

தமிழ்நாடு முதலமைச்சரும், தமிழக வெற்றிக் கழகத் தலைவருமான விஜய் மற்றும் அவரது மனைவி சங்கீதா இடையே கருத்து வேறுபாடு ஏற்பட்டதாகக் கூறப்பட்ட நிலையில், சங்கீதா விவாகரத்து கோரிச் செங்கல்பட்டு குடும்ப நல நீதிமன்றத்தில் மனு தாக்கல் செய்திருந்தார்.

முன்னதாக இவ்வழக்கு விசாரணைக்கு வந்தபோது, பாதுகாப்பு காரணங்களைக் கருத்தில் கொண்டு இருவரும் நேரில் ஆஜராகாமல் வீடியோ கான்ஃபரன்ஸ் மூலம் ஆஜராக அனுமதி கோரப்பட்டிருந்தது. தொடர்ந்து கடந்த ஜூன் 15-ஆம் தேதி நடைபெற்ற விசாரணையின் போது, இருவரையும் சமரச மையத்திற்கு அனுப்பி வைக்க நீதிமன்றம் அறிவுறுத்தி விசாரணையை ஆகஸ்ட் 7-ஆம் தேதிக்கு (இன்று) ஒத்திவைத்திருந்தது.

அதன்படி இவ்வழக்கு இன்று மீண்டும் விசாரணைக்கு வந்தபோது, தமிழ்நாடு சட்டமன்றக் கூட்டத்தொடர் நடைபெற்று வருவதால் முதலமைச்சர் விஜய் நேரில் ஆஜராக இயலவில்லை என அவரது தரப்பு வழக்கறிஞர் தெரிவித்தார்.

அதே நேரத்தில், லண்டனில் இருந்து வீடியோ கான்ஃபரன்ஸ் வாயிலாக விசாரணையில் பங்கேற்ற சங்கீதா, விவாகரத்து மனுவை வாபஸ் பெற்றுக்கொள்வதாக நீதிபதியிடம் தெரிவித்தார். அதனைத் தொடர்ந்து, அவரது கோரிக்கையை ஏற்றுக்கொண்ட நீதிமன்றம் விவாகரத்து வழக்கை முடித்து வைத்து உத்தரவிட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

முதல்வர் விஜய்யிடம் விவாகரத்து கோரிய மனுவை வாபஸ் பெற்றார் சங்கீதா - வழக்கு முடித்து வைப்பு!

» செய்திகள் - விளையாட்டு » தமிழகம்