» செய்திகள் - விளையாட்டு » விளையாட்டு
நடராஜனை வாங்கிய டெல்லி அணி: ஹேமங் பதானி மாஸ்டர் பிளான்!
திங்கள் 25, நவம்பர் 2024 11:15:26 AM (IST)
18வது ஐபிஎல் சீசன் அடுத்த ஆண்டு நடைபெற உள்ள நிலையில், அதற்கான மெகா ஏலம் சவுதி அரேபியாவின் ஜெட்டா நகரில் இரண்டு நாட்களாக நடைபெற்று வருகிறது. இதில் முதல் நாள் ஏலத்தில் தமிழக வீரர் நடராஜனை 10 கோடியே 75 லட்ச ரூபாய்க்கு டெல்லி கேபிட்டல்ஸ் அணி ஏலத்தில் எடுத்தது.
முன்னதாக நடராஜனை ஏலத்தில் எடுப்பதில் சன்ரைசஸ் ஐதராபாத் - டெல்லி கேபிட்டல்ஸ் - பெங்களூரு ராயல் சேலஞ்சர்ஸ் அணிகள் இடையே கடும் போட்டி நிலவியது. இறுதியில் டெல்லி அணி அவரை 10 கோடியே 75 லட்ச ரூபாய்க்கு கைப்பற்றியது. மும்பை இந்தியன்ஸ் தயாரிப்பான ஸ்ரேயாஸ் ஐயரை 11 கோடியே 25 லட்ச ரூபாய் கொடுத்து வாங்கிய போதும், நடராஜனை கோட்டை விட்டதை அந்த அணி பேரிழப்பாக கருதுவதாக கூறப்படுகிறது.
இது தவிர முகமது ஷமி (ரூ.10 கோடி), ஹர்சல் பட்டேல் (ரூ.8 கோடி) உள்ளிட்ட 8 பேரை முதல் நாள் ஏலத்தில் ஐதராபாத் அணி வாங்கிய போதும், அணியில் இடக்கை வேகப்பந்து வீச்சாளருக்கான வெற்றிடத்தை அணி நிர்வாகத்தால் நிரப்பப் முடியவில்லை என பயிற்சியாளர் டேனியல் வெட்டோரி தெரிவித்துள்ளார்.
முகமது ஷமி, ஹர்சல் பட்டேல், இஷான் கிஷன் ஆகியோரை அதிக தொகை கொடுத்த வாங்கிய காரணத்தாலும், நடராஜனுக்கு பெரிய தொகையை ஒதுக்க அணி நிர்வாகத்தால் முடியாததாலும் ஏலத்தில் அவரை இழக்க வேண்டி இருந்ததாக டேனியல் வெட்டோரி தெரிவித்துள்ளார். அதேநேரம் டெல்லி அணி, இடது கை வேகப்பந்து வீச்சாளரான மிட்செல் ஸ்டார்க்கை 11.75 கோடி ரூபாய் கொடுத்து வாங்கிய போதும் மீண்டும் மற்றொரு இடது கை வேகப்பந்து வீச்சாளரை வாங்கி இருப்பது ஆச்சரியத்தை ஏற்படுத்தி உள்ளது.
டெல்லி அணி நிர்வாகம் அதிக தொகை கொடுத்து மிட்செல் ஸ்டார்க்கை வாங்கிய நிலையில், 10.75 கோடி ரூபாய் கொடுத்து நடராஜனை வாங்க அணி பயிற்சியாளர் ஹேமங் பதானியே காரணம் எனக் கூறப்படுகிறது. தமிழகத்தை சேர்ந்தவரான ஹேமங் பதானி, நடராஜனின் பவுலிங் ஸ்டைல் உள்ளிட்டவைகளே கருத்தில் கொண்டே ஏலத்தில் எடுத்து இருக்கக் கூடும் எனக் கூறப்படுகிறது.
கடந்த ஐபிஎல் சீசனில் அதிக விக்கெட்டுகள் வீழ்த்தியவர்களின் பட்டியலில் நடராஜன் இருந்த போதிலும் அவரிடம் உள்ள பெரிய பிரச்சினை என்றால் அடிக்கடி காயம் ஏற்படுவது. கடந்த சீசனில் காயம் காரணமாக முதல் சில ஆட்டங்களில் விளையாடாத நடராஜன் பின்னர் களமிறங்கி அதிக விக்கெட்டுகளை வீழ்த்தினார்.
மக்கள் கருத்து
மேலும் தொடரும் செய்திகள்

சாய் சுதர்சன், பட்லர் அசத்தல் : ஆர்சிபியை வீழத்திய குஜராத்!
வியாழன் 3, ஏப்ரல் 2025 11:42:37 AM (IST)

தோனியால் தொடர்ந்து 10 ஓவர்கள் நின்று பேட்டிங் செய்வது முடியாது: பிளெமிங் விளக்கம்
செவ்வாய் 1, ஏப்ரல் 2025 12:01:44 PM (IST)

அறிமுகப் போட்டியில் அசத்திய இளம் வீரர் அஸ்வனி குமார்: கொல்கத்தாவை வீழ்த்தியது மும்பை!
செவ்வாய் 1, ஏப்ரல் 2025 10:28:08 AM (IST)

பிரசித் கிருஷ்ணா, ஷுப்மன் கில் - சாய் சுதர்சன் அசத்தல் : மும்பை அணியை வீழ்த்தியது குஜராத்!
ஞாயிறு 30, மார்ச் 2025 11:42:44 AM (IST)

ராம நவமி: ஐபிஎல் அட்டவணையில் திடீர் மாற்றம்
சனி 29, மார்ச் 2025 10:40:38 AM (IST)

சென்னை சூப்பர் கிங்ஸ் அணியை வீழ்த்திய ஆர்சிபி: 17 வருடங்களுக்குப் பிறகு சேப்பாக்கத்தில் வெற்றி!
சனி 29, மார்ச் 2025 10:32:03 AM (IST)
